الماتى كوروناۆيرۋستىڭ قاۋىپتى «وميكرون» جاڭا شتامىنا دايىن با؟

None
None
الماتى. قازاقپارات - الماتىنىڭ مەديتسينالىق مەكەمەلەرى كوروناۆيرۋستىڭ «وميكرون» شتامىنىڭ ىقتيمال ورشۋىنە دايىن با؟ دەگەن ساۋالعا قالالىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا جاۋاپ بەردى، دەپ حابارلايدى قازاقپارات ءتىلشىسى.

«بارلىق مەديتسينالىق ۇيىمدار كوروناۆيرۋسپەن كۇرەسۋگە دايىن. پاندەميا باستالعاننان بەرى قالاداعى مەديتسينالىق مەكەمەلەر مەن جۇقپالى اۋرۋلار اۋرۋحانالارى اۋرۋدى ەمدەپ جاتىر. ماماندار بىرنەشە رەت وقۋدان ءوتتى. «دەلتا» شتامىنا قاتىستى دا، ءدال وسىنداي الاڭداۋشىلىق بولدى. ال، دايىندىق ۇنەمى جۇرگىزىلدى. بۇگىنگى تاڭدا الماتىدا اۋرۋحانالارداعى ينفەكسيالىق توسەك-ورىندار جەتكىلىكتى مولشەردە ازىرلەندى. سوندىقتان، ءبىزدىڭ مەديتسينا قىزمەتكەرلەرى دايىن ەمەس نەمەسە توسەك جەتىسپەيدى دەگەن الاڭداۋشىلىق تۋرالى ايتۋ مۇمكىن ەمەس دەپ ويلايمىن»، - دەدى اسەل قالىقوۆا بريفينگ بارىسىندا.

سونداي-اق، ول الەمدە «وميكرون» شتامى انىقتالۋىنا بايلانىستى الماتىدا شەكتەۋ شارالارى كۇشەيتىلۋى مۇمكىن ەكەنى تۋرالى ايتتى.

ونىڭ ايتۋىنشا، شەكتەۋ شارالارى دەنساۋلىق ساقتاۋ مينيسترلىگى شەشىمىنە سايكەس قابىلدانادى.

«شەكتەۋلەرگە كەلەتىن بولساق، ءبارى كوروناۆيرۋستىڭ جاڭا شتامىنىڭ انىقتالۋىنا، ەپيدەميولوگيالىق جاعدايعا بايلانىستى. بۇل شەشىمدى دەنساۋلىق ساقتاۋ مينيسترلىگى قابىلدايدى، ول حابارلانىپ، حالىققا جەتكىزىلەدى. ەگەر قانداي دا ءبىر قوسىمشا شەكتەۋ شارالاردى الماتىدا ەنگىزۋ قاجەت بولسا، وندا دا ەپيدەميولوگيالىق جاعدايعا قاراي ەنگىزىلەدى»، - دەدى سپيكەر.

سوڭعى جاڭالىقتار