الماتىدا اككى ۇرىنىڭ ارەكەتى ۆيدەوعا ءتۇسىپ قالدى
پوليتسيا مالىمەتى بويىنشا، الماتىدا 25 جاستاعى ازامات بەس كۇن ىشىندە ءۇش رەت ۇيالى تەلەفون ۇرلاعان. ول ادامدار كوپ جينالاتىن ورىنداردا، ساۋدا ورتالىقتارىندا، كوشەدە ءوز ويىن ىسكە اسىرىپ وتىرعان. ونىڭ تەلەفونداردى ۇرلاعان ءساتى بىرنەشە رەت بەينەكامەرالارىنا ءتۇسىپ قالعان.
«بارلىق دەرەك بويىنشا قىلمىستىق ءىس قوزعالدى. جەدەل- ىزدەستىرۋ شارالارى بارىسىندا كۇدىكتى ۇستالدى. انىقتالعانداي، ول ۇرلىقتىڭ ءبىرىن كوشەدە جاساعان. جابىرلەنۋشىنىڭ قالتاسىنان قىمبات تەلەفون ۇرلاپ كەتكەن. تاعى ءبىر ۇرلىق وقيعاسىندا كاسساداعى ۇيالى تەلەفوندى ۇرلاپ كەتكەن. ۇستالعان ازامات بۇعان دەيىن دە وسىعان ۇقساس قىلمىستار جاساعانى ءۇشىن سوتتالعان»، - دەدى جەتىسۋ اۋداندىق پوليتسيا ءبولىمى باستىعىنىڭ ورىنباسارى اسحات داۋلەتياروۆ.
ۇستالعان ازامات ءوز كىناسىن مويىنداپ، بىرنەشە قىلمىسقا قاتىستىلىعىن راستادى. بارلىق دەرەكتەر ءبىر وندىرىسكە بىرىكتىرىلگەن. كۇدىكتى ۋاقىتشا ۇستاۋ يزولياتورىنا قامالدى.