USD 434.24 EUR 492.69
RUB 5.67 CNY 68.46
جاڭالىقتار

استانالىق ماماندار دەزينفەكسيا جاسايتىن امبەباپ قۇرىلعى ويلاپ تاپتى

30 قاراشا 14:02
:ءبولىسۋ
استانالىق ماماندار دەزينفەكسيا جاسايتىن امبەباپ قۇرىلعى ويلاپ تاپتى

نۇر-سۇلتان. قازاقپارات - ەلوردادا دەزينفەكسيا جاسايتىن امبەباپ قۇرىلعى ىسكە قوسىلدى، دەپ حابارلايدى قازاقپارات ءتىلشىسى.

«جاڭا قۇرىلعى بۇعان دەيىن جىلى ايالدامادا اپروباتسيادان ءوتتى. قۇرىلعى «Smart Recirculdtion control» اپپاراتتىق- باعدارلامالىق كەشەنى دەپ اتالادى. نەمەسە قىسقارتىپ SRC جۇيەسى دەۋگە دە بولادى. بۇگىن جاڭا قۇرىلعىنى مەكتەپ كابينەتىندە سىناپ كورمەكپىز. دەزينفەكسيا جانە يونيزاتسيا جاسايتىن بۇل قۇرىلعىنى ءوزىمىزدىڭ IT ماماندار 3 ايدىڭ ىشىندە جاساپ شىعاردى جانە وعان 4 مامان قاتىستى. SRC-تىڭ كەشەن دەپ اتالاتىن سەبەبى قۇرىلعى بىرنەشە فۋنكسيانى اتقارادى جانە ول اۆتوماتتاندىرىلعان. بىرىنشىدەن، بولمەگە دەزينفەكسيا جانە يونيزاتسيا جاسايدى. ەكىنشىدەن، قۇرىلعىعا اۋديو جانە بەينەباقىلاۋ جۇيەسى ورناتىلعان. ۇشىنشىدەن، بۇل جۇيەنى قاشىقتان باسقارۋعا بولادى. ياعني ارنايى ادامعا مىندەتتەۋدىڭ قاجەتى جوق. ءبىز وسىلايشا ادامي رەسۋرستى ازايتىپ وتىرمىز»، - دەدى «It Smart Solutions» كومپانياسىنىڭ ديرەكتورى ديليارا تولەنوۆا.

ونىڭ ايتۋىنشا، اتالعان قۇرىلعىنىڭ تاعى ءبىر ارتىقشىلىعى دىبىسسىز جۇمىس ىستەيدى. ياعني بولمەدەگى ادامدارعا كەدەرگى كەلتىرمەيدى. جانە ادامدارعا دەزينفەكسيا پروتسەسى كەزىندە بولمەدەن شىعۋدىڭ قاجەتى جوق.

«ءبىر كابينەتكە نەمەسە بولمەگە دەزينفەكسيا جۇرگىزۋگە 15-20 مينۋت جەتەدى. سونداي-اق، اتالعان قۇرىلعىنى ىسكە قوسۋعا سانەپيدەميولوگيالىق قىزمەتتىڭ رۇقساتى بار. تاعى ءبىر ماڭىزدى جايت، ءبىز بۇل قۇرىلعىنىڭ اۆتورى رەتىندە پاتەنتكە يەمىز جانە جۇيەنى باعدارلامالىق قولداۋعا دا ءبىز قۇقىلىمىز»، - دەيدى ول.

جاڭا قۇرىلعى نۇر-سۇلتان قالاسىنداعى №2-ارنايى مەكتەپتىڭ كابينەتىنە ورناتىلدى. سول سياقتى كەشەن اۆتورلارىنىڭ مالىمدەۋىنشە امبەباپ قۇرىلعى ۆيرۋستىڭ %99,9 عا جويۋعا مۇمكىندىگى بار.

«جاڭا جۇيەنىڭ تيىمدىلىگىن انىقتاۋ ءۇشىن اۋقىمدى كولەمدەگى دەرەكتەرگە تالداۋ جاسالىپ، قوعام پىكىرى ەسكەرىلىپ ساۋالناما جۇرگىزىلدى. سول كورسەتكىشتەردىڭ نەگىزىندە قۇرىلعىنى اپروباتسيادان وتكىزۋ ءۇشىن وڭتايلى ورىن ەلورداداعى №2-ارنايى مەكتەپ ەكەنىن كورسەتتى. بۇل مەكتەپتە دەنساۋلىق جاعدايى بويىنشا ەرەكشە بالالاردىڭ ءبىلىم الىپ جاتقانىن ەسكەرۋ ماڭىزدى. كوروناۆيرۋسپەن الەم بولىپ كۇرەسىپ جاتقاندا، ءوز ەلىمىزدە وسىنداي وتاندىق جۇيەنىڭ ىسكە قوسىلۋى وڭ شەشىم دەپ ويلايمىز»، - دەدى «استانا Innovations» ا ق- نىڭ اتقارۋشى ديرەكتورى جاسۇلان كەنجەعاليەۆ.

اۆتور: ءالي يبرايەۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات