USD 434.34 EUR 491.93
RUB 5.56 CNY 68.67
جاڭالىقتار

نۇر-سۇلتاندا ج ر ۆ ي جۇقتىرعاندار سانى ارتتى

30 قاراشا 13:46
:ءبولىسۋ
نۇر-سۇلتاندا ج ر ۆ ي جۇقتىرعاندار سانى ارتتى

نۇر-سۇلتان. قازاقپارات - نۇر-سۇلتاندا ج ر ۆ ي (ءجىتى رەسپيراتورلىق ۆيرۋستىق ينفەكسيا) جۇقتىرعاندار سانى ارتتى.

بۇل تۋرالى ەلوردانىڭ باس مەملەكەتتىك سانيتاريا دارىگەرى سارحات بەيسەنوۆا ايتتى.

«ەپيدەميالىق ماۋسىمنىڭ باسىنان بەرى ج ر ۆ ي-دىڭ 44392 جاعدايى تىركەلدى، ونىڭ ىشىندە ا ءتيپتى تۇماۋدىڭ 32 جاعدايى (ونىڭ ىشىندە H3N2 تۇماۋىنىڭ 28-اينالىمى انىقتالدى، 4 ءتيپسىز)، اۋرۋشاڭدىق دەڭگەيى 100 مىڭ حالىققا 3748. بۇل وسى كەزەڭدەگى كورسەتكىشتەن 6,4 ەسەگە جوعارى (1.10.2020 -جىلدان باستاپ 12.12.2020 -جىلعا دەيىن)، 14 جاسقا دەيىنگى بالالار جۇقپالى اۋرۋعا بەيىمدى، بۇل جالپى سىرقاتتانۋشىلىقتىڭ 60,8 پايىزىن قۇرايدى. ۆيرۋس ءبىر جاسقا دەيىنگى بالالاردىڭ 6 پايىزىن، جۇكتى ايەلدەردىڭ 3,3 پايىزىن قۇرايدى»، - دەدى بەيسەنوۆا.

ەلوردالىق دارىگەردىڭ ايتۋىنشا، ادام كوپ جينالاتىن ورىنداردا ۆيرۋستىق ينفەكسيانىڭ تارالۋى جيىلەپ كەتكەن. بۇل بالاباقشالاردا، مەكتەپتەردە، ۋنيۆەرسيتەتتە وقۋ جىلىنىڭ باستالۋىمەن بايلانىستى.

«جالپى، ج ر ۆ ي جۇقتىرعانداردىڭ 27,8 پايىزىن مەكتەپ وقۋشىلارى جانە 16,2 پايىزىن بالاباقشاعا باراتىن بالالار، 7 پايىزىن ستۋدەنتتەر قۇرايدى»، - دەپ تولىقتىردى سارحات بەيسەنوۆا.

ونىڭ ايتۋىنشا، ابيىلعى ەپيدەميالىق ماۋسىمدا قالانىڭ 170 مىڭنان استام تۇرعىنى ۆاكسينا سالدىردى، ونىڭ ىشىندە جەرگىلىكتى بيۋدجەت ەسەبىنەن 160 مىڭ ادام ۆاكسيناتسيالاندى.

تۇماۋعا قارسى ۆاكسينانى قايدان الۋعا بولادى

سارحات بەيسەنوۆا قازىرگى ۋاقىتتا ءتورت مەديتسينالىق ۇيىمدا («Open clinik» م ك، «Interteach Astana Medical Assistance» م ك، «مەديكال كومەك گرۋپ» م ك، «ارحيمەد قازاقستان- استانا» م ك) ەكپە كابينەتتەرى جۇمىسىن جالعاستىرىپ جاتقانىن، سولاردان الۋعا بولاتىنىن ايتتى. «گريپپول پليۋس» (رەسەي) جانە «ينفليۋۆاك» (نيدەرلاندى) يناكتيۆتەندىرىلگەن ۆاكسينالارى اقىلى ەگىلەدى.

قازاقستاندىقتارعا كەلەسى شارالاردى ساقتاۋ ۇسىنىلادى:

ادام كوپ جينالاتىن ورىنداردا جانە قوعامدىق كولىكتە بولۋ ۋاقىتىن شەكتەۋ؛

ادامدار كوپ جينالاتىن جەرلەردە ماسكا كيۋ؛

اۋرۋدىڭ بەلگىلەرى بار ادامدارمەن جاقىن قارىم- قاتىناستان اۋلاق بولۋ؛

قولدى سابىنمەن جۋۋ، قۇرامىندا سپيرتى بار، دەزينفەكسيالىق مايلىقتارمەن ءسۇرتۋ؛

الەۋمەتتىك قاشىقتىقتى ساقتاۋ؛

مۇرىن قۋىسىن تۇزدى ەرىتىندىمەن ىلعالداندىرۋ نەمەسە كوشەدەن كەلگەننەن كەيىن تۇزدى ەرىتىندىمەن شايۋ، قىمىزدىق مايىن جانە ۆيتاميندەردى تۇراقتى قولدانۋ؛

ينفەكتسيا جۇقتىرعان جاعدايدا اسقىنۋدى الدىن الىپ، ينفەكسيانىڭ تارالۋىن توقتاتۋ ءۇشىن بارلىق ساقتىق شارالارىن قولدانىپ، دەر كەزىندە مەديتسينالىق كومەككە جۇگىنۋ ۇسىنىلادى.

ەسكە سالايىق، قازاقستاندا ج ر ۆ ي- دىڭ ماۋسىمدىق كورسەتكىشى تىركەلگەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات