دەنساۋلىق ساقتاۋ مينيسترلىگى قازاقستاندا وميكرون شتامى بار-جوعىن انىقتاپ جاتىر
بۇل تۋرالى ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ ايتتى، دەپ حابارلايدى قازاقپارات ءتىلشىسى.
«بۇگىندە قازاقستاندا وميكرون شتاممى انىقتالعان جوق. ۆيرۋستى سەكۆەناتسيالاۋ جالعاسىپ جاتىر. ءبىز بۇل جۇمىستى اي سايىن تۇراقتى جۇرگىزىپ كەلەمىز. بۇگىن ۇكىمەت وتىرىسىندا اتالعان شتاممداردى سەكۆەناتسيالاۋ جۇمىسىن جالعاستىرۋ ءارى جانداندىرۋ تۋرالى قوسىمشا شەشىم قابىلداندى. تاياۋ ۋاقىتتا، شامامەن جەلتوقساننىڭ ءۇشىنشى ونكۇندىگىندە بۇل پروتسەدۋرالاردىڭ ناتيجەسىن بىلەتىن بولامىز. ازىرشە تىركەلگەن جاعدايلاردان وميكرون شتامىنىڭ پ ت ر تەستىلەۋگە سەزىمتال ەكەندىگى، ونى انىقتاۋعا بولاتىندىعى بەلگىلى. دەمەك پ ت ر تەستىلەۋ بارلىق پاتسيەنتتەن شتاممدى انىقتاۋعا مۇمكىندىك بەرەدى. بۇل ءۇشىن ۆيرۋس سەكۆەناتسياسىنا قوسىمشا زەرتتەۋ جۇرگىزۋ قاجەت. بۇل ۇلكەن جۇمىستى قاجەت ەتەدى. شامامەن 2-4 اپتا كەتەدى. سوندىقتان بۇل جۇمىستى باستادىق. جەلتوقساننىڭ سوڭىندا قازاقستان اۋماعىندا اينالىمدا جۇرگەن شتامم تۇرلەرىنە قاتىستى تولىق كارتينا قولىمىزدا بولادى»، - دەدى ول ۇكىمەت وتىرىسىنان كەيىن.
اۆتور: مارلان جيەمباي