USD 425.02 EUR 450.1
RUB 7.17 CNY 63.75
جاڭالىقتار

الماتىدا ەر ادامنىڭ ميىنا اسا كۇردەلى وپەراتسيا جاسالدى

30 قاراشا 12:15
:ءبولىسۋ
الماتىدا ەر ادامنىڭ ميىنا اسا كۇردەلى وپەراتسيا جاسالدى

الماتى. قازاقپارات - الماتىلىق دارىگەرلەر 40 جاستاعى ەر ادامنىڭ ۇلكەن ميىنا جوعارى تەحنولوگيالىق وپەراتسيا جاسادى، دەپ حابارلايدى قازاقپارات ءتىلشىسى.

ورتالىق قالالىق كلينيكالىق اۋرۋحانانىڭ مالىمەتىنشە، نەۆرولوگيا قابىلداۋ بولىمشەسىنە مي قان اينالىمىنىڭ ءجىتى بۇزۋشىلىعى كۇدىگىمەن 1981 -جىلى تۋعان پاتسيەنت كەلىپ ءتۇستى. ناۋقاستى اۋرۋحانانىڭ نەيروحيرۋرگى تەكسەرىلىپ، انگيوگرافيا ك ت جۇرگىزدى.

ناتيجيەسىندە، الدىڭعى قوسىلعان كۇرە تامىرىنىڭ ۇزىلگەن انيەۆريزماسى انىقتالدى. شۇعىل تۇردە نەيروحيرۋرگ- دارىگەر ەربول ماكەجانوۆ جوعارى تەحنولوگيالىق وپەراتسيا جاسادى. ياعني قاپتى انيەۆريزمانىڭ اسسيستەنتسيا باللونىمەن ەندوۆاسكۋليارلى ەمبوليزاتسيا جۇرگىزدى. دارىگەردىڭ ايتۋىنشا، ەندوۆاسكۋليار نەيروحيرۋرگيانىڭ زاماناۋي تەحنولوگيالارى بۇل وپەراتسيالاردى باس سۇيەكتى تەسپەي جاساۋ مۇمكىندىگىن بەرەدى.

«جامباس كۇرە تامىرى ارقىلى بۇكىل اعزاسى بويىنشا ارنايى كاتەتەر سالىنىپ، انيەۆريزماعا ەنەمىز دە وندا ارنايى سپيرالداردى ورناتامىز، سودان سوڭ انيەۆريزما قان اعىمىنان جانسىزدانىپ وسىلايشا قان قۇيىلۋ قاۋپىنىڭ الدى الىنادى. وپەراتسيا ءساتتى ءوتتى. پاتسيەنت رەانيماتسيا بولىمشەسىندە ويانعاننان سوڭ اۋرۋعا شاعىمدانعان جوق. بۇرىننان مازاسىن العان باس ساقيناسىنىڭ اۋرۋى تولىعىمەن جويىلىپ، 10-تاۋلىكتە پاتسيەنت اۋرۋحانادان شىعارىلدى» - دەدى ەربول ماكەجانوۆ.

سونىمەن قاتار، ول انەۆريزمانىڭ ءۇزىلۋى گەمورراگيالىق ينسۋلت، جۇيكە جۇيەسىنىڭ زاقىمدانۋى نەمەسە باس ميىنا قان كەتۋگە دەيىن اپاراتىنىن اتاپ ءوتتى.


اۆتور: الما مۇقانوۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات