USD 435.1 EUR 493.27
RUB 5.69 CNY 68.63
جاڭالىقتار

اۋىل شارۋاشىلىعى ءمينيسترى ۇن ءوندىرۋ كولەمى تومەندەگەنىن ايتتى

30 قاراشا 12:02
:ءبولىسۋ
اۋىل شارۋاشىلىعى ءمينيسترى ۇن ءوندىرۋ كولەمى تومەندەگەنىن ايتتى

نۇر-سۇلتان. قازاقپارات - بيىل اۋىل شارۋاشىلىعى ونىمدەرىن وڭدەۋ سالاسىندا 29 جوبا پايدالانۋعا بەرىلدى.

بۇل تۋرالى اۋىل شارۋاشىلىعى ءمينيسترى ەربول قاراشوكەيەۆ ءمالىم ەتتى، دەپ حابارلايدى قازاقپارات ءتىلشىسى.

«اعىمداعى جىلدىڭ 10 ايىندا تاماق ونىمدەرىن ءوندىرۋ كولەمى 3,6 پايىزعا ءوسىپ، 1,8 تريلليون تەڭگەنى قۇرادى. ەسەپتىك كەزەڭدە تاماق ونىمدەرى ءوندىرىسىنىڭ نەگىزگى كاپيتالىنا سالىنعان ينۆەستيسيالار كولەمى 5,9 پايىزعا ۇلعايىپ، 81,8 ميلليارد تەڭگەنى قۇرادى. زاتتاي ماندە اعىمداعى جىلدىڭ 10 ايىندا جارما ءوندىرۋ كولەمى 5,3 پايىزعا، كراحمال ونىمدەرىن ءوندىرۋ كولەمى 18,7 پايىزعا، جەمىس جانە كوكونىس شىرىندارىن ءوندىرۋ كولەمى 2,8 پايىزعا، قانت ءوندىرۋ كولەمى 2,6 ەسە، قىشقىل ءسۇت ونىمدەرىن ءوندىرۋ كولەمى 5 پايىزعا، سارى ماي ءوندىرۋ كولەمى 9 پايىزعا ارتتى»، - دەدى ە. قاراشوكەيەۆ ۇكىمەت وتىرىسىندا.

ونىڭ ايتۋىنشا، ۇن ءوندىرۋ كولەمى 4,5 پايىزعا، وسىمدىك مايىن ءوندىرۋ كولەمى 3 پايىزعا، شۇجىق ونىمدەرىن ءوندىرۋ كولەمى 0,4 پايىزعا تومەندەدى.

«بيىل اۋىل شارۋاشىلىعى ونىمدەرىن وڭدەۋ سالاسىندا 29 جوبا پايدالانۋعا بەرىلدى، ونىڭ ىشىندە جالپى قۋاتى 34 مىڭ توننا ەت وڭدەۋ بويىنشا 6 جوبا، جاڭعىرتۋ جانە قۇرىلىس ەسەبىنەن جالپى قۋاتى 96 مىڭ توننا ءسۇت وڭدەۋ بويىنشا 10 جوبا، 530 مىڭ توننا مايلى داقىلدار وڭدەۋ بويىنشا 3 جوبا جانە جىلىنا 200 مىڭ توننا بيدايدى تەرەڭدەتە وڭدەۋ بويىنشا 1 جوبا، جالپى قۋاتى 23,5 مىڭ توننا ماكارون جانە جارما ونىمدەرىن ءوندىرۋ بويىنشا 3 جوبا ىسكە قوسىلدى. بۇگىندە ينۆەستيتسيالىق جوبالار پۋلىندا شامامەن 100 جوبا بار. بۇلار - ءوندىرىستىڭ قوسىمشا ءوسىمىن جانە تيىسىنشە ەكسپورتتىڭ قوسىمشا كولەمىن قامتاماسىز ەتۋگە مۇمكىندىك بەرەتىن وڭدەۋ جونىندەگى جاڭا جوبالار. بۇل سايىپ كەلگەندە، وڭدەلگەن ءونىمنىڭ ەكسپورتىن ۇلعايتۋ بويىنشا قويىلعان ماقساتقا قول جەتكىزۋگە مۇمكىندىك بەرەدى»، - دەدى مينيستر.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات