وميكرون شتامى: قازاقستان شەكتەۋ شارالارىن كۇشەيتەدى
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ ايتتى، دەپ حابارلايدى قازاقپارات ءتىلشىسى.
«كوروناۆيرۋستىق ينفەكسيانىڭ «وميكرون» شتامىنىڭ جاڭا نۇسقاسىنىڭ پايدا بولۋىن ەسكەرە وتىرىپ، ونى رەسپۋبليكا اۋماعىنا اكەلۋگە جول بەرمەۋ ماقساتىندا ۆەدومستۆوارالىق كوميسسيادا اعىمداعى جىلعى 3-جەلتوقساننان باستاپ مىناداي شەكتەۋ ءىس- شارالارىن ەنگىزۋ تۋرالى شەشىم قابىلداندى. ءبىرىنشى - بوتسۆانا، لەسوتو، ناميبيا، زيمبابۆە، موزامبيك، ماداگاسكار، ەسۆاتيني، مالاۆي، ونتۇستىك افريكا، تانزانيا جانە گونكونگتان شەتەل ازاماتتارىنىڭ قازاقستانعا كەلۋىن شەكتەۋ»، - دەدى ءبىرىنشى ۆيتسە- مينيستر.
ونىڭ اتاپ وتۋىنشە، ەكىنشىدەن، «وميكرون» نۇسقاسىنان تۋىنداعان ك ۆ ي جاعدايلارى انىقتالعان يزرايل، چەحيا، نيدەرلاندى، بەلگيا، ۇلى بريتانيا، يتاليا، گەرمانيا، اۆستراليا، كانادا جانە ەگيپەتتەن كەلەتىن ادامدار ءۇشىن ۆاكسيناتسياسى بار- جوعىنا قاراماستان مىندەتتى پ ت ر تەستىلەۋدىڭ بار بولۋى ەنگىزىلەدى.
«ۇشىنشىدەن، «وميكرون»-نان تۋىنداعان ك ۆ ي جاعدايلارى انىقتالعان ەلدەردەن كەلگەن ادامدار پ ت ر ناتيجەسىنە قاراماستان 7 كۇنگە ءۇي كارانتينگە وقشاۋلانۋى ءتيىس. وسىعان وراي، سانيتارلىق- ەپيدەميولوگيالىق كوميتەتىنىڭ دەپارتامەنتتارى، شەتەلدەن كەلگەن ازاماتتار تۋرالى اقپاراتتى جەرگىلىكتى اتقارۋشى ورگاندارعا ۋاقتىلى بەرۋدى، ال اكىمدىكتەر بۇل تۇلعالاردى پوليكلينيكالار دەڭگەيىندە قاشىقتىقتان باقىلاۋدى قامتاماسىز ەتۋى قاجەت»، - دەدى مارات شورانوۆ.