USD 435.1 EUR 493.27
RUB 5.69 CNY 68.63
جاڭالىقتار

مينيستر قازاقستان- ا ق ش اۆيارەيسىن ىسكە قوسۋ نەلىكتەن سوزىلىپ كەتكەنىن ءتۇسىندىردى

30 قاراشا 09:22
:ءبولىسۋ
مينيستر قازاقستان- ا ق ش اۆيارەيسىن ىسكە قوسۋ نەلىكتەن سوزىلىپ كەتكەنىن ءتۇسىندىردى

نۇر- سۇلتان. قازاقپارات - يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستان مەن ا ق ش اراسىندا تىكەلەي اۋە رەيسىن ىسكە قوسۋ نەگە سوزىلىپ كەتكەنىن ءتۇسىندىردى، دەپ حابارلايدى قازاقپارات ءتىلشىسى.

«كەزىندە تۇڭعىش پرەزيدەنت - ەلباسى نۇرسۇلتان نازاربايەۆ ا ق ش- قا، سينگاپۋرعا، توكيوعا رەيستەر اشۋ تۋرالى تاپسىرما بەرگەن بولاتىن. ارينە، بۇل ايتارلىقتاي اۋقىمدى مىندەت. ويتكەنى ۇشاقتاردىڭ الىس قاشىقتىققا ۇشاتىن جاڭا تۇرلەرىن ساتىپ الۋ كەرەك دەگەندەي. ءبىز وندىرۋشىلەرمەن ءتيىستى كەلىسسوزدەر جۇرگىزدىك. وسى كەزدە قاتىناي باستادى، سينگاپۋر بويىنشا پىسىقتاپ جاتقان كەزدە پاندەميا بۇرق ەتە قالدى»، - دەپ ەسكە الدى بەيبىت اتامقۇلوۆ «حابار» تەلەارناسىنداعى «ۇلت مۇددەسى» باعدارلاماسىندا.

سونداي- اق مينيستر بىلتىر جەلتوقسان ايىندا ا ق ش- پەن كەلىسىمگە قول قويىلعانىن ەسكە سالدى.

«تاريحتا العاش رەت ءبىز اۋە كومپانيالارىمىزعا يكەمدى ۇشۋ جۇيەسىن پايدالانۋعا مۇمكىندىك بەرەتىن كەلىسىمگە قول قويدىق. بۇل ەركىندىكتىڭ بەسىنشى جانە جەتىنشى دارەجەسى. ياعني قازاقستاندىق اۋە كومپانيالارى نيۋ- يورككە قونىپ، ول جەردەن العان جولاۋشىلاردى كانادانىڭ وتتاۆا نەمەسە تورونتو سياقتى قالالارىنا جەتكىزە الادى. ال امەريكا ۇشاقتارى قازاقستانعا ءبىر قونىپ الىپ، تۇركياعا نەمەسە موڭعولياعا قاتىناي الادى»، - دەپ ءتۇسىندىردى ق ر ۆەدومستۆو باسشىسى.

بۇدان بولەك ول قازاقستان مەن ا ق ش اراسىنداعى رەيستەر قاشان ىسكە قوسىلۋى مۇمكىن ەكەنىن ايتتى.

«بۇل ەندى نارىقتىڭ، بيزنەستىڭ قۇزىرىنداعى شارۋا. ءبىز مينيسترلىك تاراپىنان ءوزىمىزدىڭ اۋە كومپانيالارىنا قاجەتتى جاعدايدى جاسادىق. ەكى كومپانيا ا ق ش- قا تىكەلەي قاتىنايتىن رەيس اشۋعا دايىن ەكەندەرىن ايتىپ وتىر. ولاردىڭ وزدەرىنە ءتيىمدى رەيس قالىپتاستىرۋى ءۇشىن ءبىراز ۋاقىت كەرەك. مەنىڭ ويىمشا 2023-2024 -جىلدارعا دەيىن وسى باعىتتاعى دايىندىق جۇمىستارى جۇرەدى»، - دەپ تۇيىندەدى بەيبىت اتامقۇلوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات