شىعىس قازاقستان تاۋلارىندا جاساندى جولمەن قار كوشكىنى ءتۇسىرىلدى

None
None
وسكەمەن. قازاقپارات - شىعىس قازاقستان وبلىسىندا جاساندى جولمەن قار كوشكىنى ءتۇسىرىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قار كوشكىنىنىڭ الدىن الۋ شارالارى «وسكەمەن-سامار» تاسجولىنىڭ 92-101 شاقىرىمىندا جۇرگىزىلدى.

«قۇتقارۋشىلار مەن «قازسەلدەنقورعاۋ» مەكەمەسىنىڭ ماماندارى 4 جارىلىس جاسادى. جالپى 790 تەكشە مەتر قار تۇسىرىلگەن. الايدا ءوڭىر بويىنشا قار كوشكىنى قاۋپى ءالى دە ساقتالىپ وتىر.

حالىققا تاۋعا بارعان كەزدە قاۋىپسىزدىك ەرەجەلەرىن قاتاڭ ساقتاۋ كەرەكتىگىن ەسكەرتەمىز»، - دەپ حابارلادى ۆەدومستۆو وكىلدەرى.

ايتا كەتەيىك، شىعىس قازاقستانداعى 497 جول ۋچاسكەسىندە قار كوشكىنى ءجۇرۋى مۇمكىن.

اسىرەسە وسكەمەن-سامار، وسكەمەن-التاي، سوگورنوە-بارلىق، بەرەل-راحمان قاينارلارى، زۋبوۆكا- پۋتينتسيەۆو جانە لەنينوگورسك-چەكمار كەنىشى تاسجولدارىنىڭ بويىنداعى ۋچاسكەلەر اسا قاۋىپتى.

سوڭعى جاڭالىقتار