USD 434.34 EUR 491.93
RUB 5.56 CNY 68.67
جاڭالىقتار

شاش اعارۋىن باياۋلاتاتىن ءونىم

29 قاراشا 21:30
:ءبولىسۋ
شاش اعارۋىن باياۋلاتاتىن ءونىم

نۇر-سۇلتان. قازاقپارات - كوپشىلىك ايەل بۇرىن اق شاشتى بىردەن جاسىرۋدى ءجون كورەتىن، ال قازىر ادامدار ول ۇيالاتىن نارسە ەمەسىن، اعارعان شاشپەن دە ادەمى بولىپ جۇرۋگە بولاتىنىن ءتۇسىنىپ كەلەدى.

دەگەنمەن، ايەلدەر سوندا دا جاس ەرەكشەلىگىنە بايلانىستى بولاتىن وزگەرىستەردى باياۋلاتقىسى كەلەدى. ەكسپەرتتەر شاشتىڭ ەرتە اعارۋىن بولدىرماس ءۇشىن راتسيونعا قانداي ءونىم قوسۋ كەرەگىن انىقتادى.

شاشتىڭ اعارۋى — بىرتىندەپ مەلانوتسيتتەر جوعالۋىنىڭ ناتيجەسى. مەلانوتسيت — شاشقا پيگمەنت بەرەتىن تەرى جاسۋشالارى. تاماق تانۋ ەكسپەرتتەرى بۇل پروتسەستى كۇنجىت داندەرى ارقىلى باياۋلاتۋعا بولاتىنىن انىقتادى. ولار باس تەرىسىن نەگىزگى قورەكتىك زاتتارمەن قامتاماسىز ەتىپ، مەلانوتسيتتەر بەلسەندىلىگىن ارتتىرادى.

سونىڭ ىشىندە، شاشتىڭ اعارۋىمەن ونىڭ قارا ءداندى تۇرلەرى جاقسى كۇرەسەدى. سەبەبى ولاردىڭ قۇرامىندا پايدالى كومپونەنتتەر كوبىرەك: كۇنجىتتىڭ قارا داندەرىندە كالتسي، ماگني، ۆ1 دارۋمەنى، مىرىش، فوسفور، امين قىشقىلدار، تاعامدىق جاسۇنىقتار جانە سەلەن بار. سونداي-اق بۇل داندەر تابيعي انتيوكسيدانتتارعا باي: سەزامولين، سەزامول جانە سەزامين.

زەرتتەۋلەرگە سايكەس، قارا كۇنجىت داندەرىنىڭ قۇرامىنداعى انتيوكسيدانتتار باس تەرىسى جاسۋشاسىن زاقىمدايتىن جانە قارتايۋ بەلگىلەرىن شاقىراتىن بوس راديكالداردى بەيتاراپتاندىرادى. انتيوكسيدانتتار مەلانوتسيتتەر بەلسەندىلىگىنە ىقپال ەتەدى جانە مەلانين پيگمەنتىنىڭ ءوندىرىلۋىن ارتتىرادى.

كۇنجىت داندەرىنىڭ قۇرامىندا جاس ەرەكشەلىگىنىڭ باسقا دا جاعىمسىز وزگەرىستەرىن (ەستۋ مەن كورۋدىڭ نەمەسە ەستە ساقتاۋدىڭ ناشارلاۋى) بولدىرماۋعا كومەكتەسەتىن بيولوگيالىق بەلسەندى قوسىلىستار بار.

كۇنجىت داندەرىن كەز كەلگەن ازىق-تۇلىك دۇكەنىنەن قولجەتىمدى باعاعا تابۋعا بولادى. سونىمەن قاتار، ونى كۇندەلىكتى راتسيونعا قوسۋ وڭاي. مىسالى، ولاردى بوتقاعا، سۇزبەگە، ەتكە، بالىققا جانە سالاتتارعا سەبۋگە بولادى. ەكسپەرتتەر كۇنجىت داندەرىن تاماققا قوسۋمەن قاتار، كۇنجىت مايىن باس تەرىسىنە جاعۋ دا پايدالى بولاتىنىن ەسكەرتەدى.

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات