جانىبەك ءالىمحان ۇلى كەلەسى قارسىلاسى تۋرالى مالىمدەمە جاسادى

نۇر-سۇلتان. قازاقپارات - ورتا سالماقتاعى قازاقستاندىق بوكسشى جانىبەك ءالىمحان ۇلى (11-0، 7 ك و) كەلەسى قارسىلاسى تۋرالى مالىمدەمە جاسادى، دەپ جازادى Vesti.kz ءتىلشىسى.

ەسكە سالايىق، وتانداسىمىز بىرنەشە كۇن بۇرىن عانا الەمنىڭ بۇرىنعى چەمپيونى فرانسيالىق حاسسان ن'دام ن'جيكامدى (38-6، 21 ك و) جەڭگەن ەدى. سودان سوڭ دا وتانداسىمىز بىرنەشە مارتە مالىمدەمە جاساپ، الەم چەمپيوندارىن ايقاسقا شاقىردى.

ال بۇگىن ول Instagram پاراقشاسىندا «كەلەسى كىم بولادى؟»، - دەپ جازبا قالدىردى.

ايتا كەتەيىك، سوڭعى جەڭىسىنەن كەيىن ءالىمحان ۇلى WBO باسشىلارىنان امەريكالىق الەم چەمپيونى دەمەتريۋس اندرادەمەن (31-0، 19 KO) جەكپە-جەك ۇيىمداستىرۋدى سۇراعان بولاتىن.