باتىر جۇكەمبايەۆ لاس-ۆەگاستاعى جاتتىعۋ لاگەرىندە قازاقستان تۋىن ءىلدى

نۇر-سۇلتان. قازاقپارات - ءبىرىنشى ورتا سالماقتاعى بوكسشى باتىر جۇكەمبايەۆ (18-1، 14 KO) ا ق ش- تاعى جاتتىعۋ لاگەرىنە قازاقستان تۋىن ءىلدى، دەپ حابارلايدى Vesti.kz.

«شەتەلدە ءجۇرىپ تۋعان جەرگە دەگەن ساعىنىشىڭ كۇشەيگەندە، ەل قادىرىن تەرەڭ ۇعىنا باستايسىڭ. سول وتانىمىزدىڭ باستى نىشانى بولعان كوك بايراق، ءبىزدى اركەز وزگە ۇلتتاردان ايىرىقشالاپ تۇراتىن كيەلى بەلگى سياقتى. لاس-ۆەگاستا ءوزىم جاتتىعۋ جاسايتىن بوكس زالىنىڭ تورىنە قازاقستاننىڭ تۋىن ءىلدىم.

ەندى بايراعىمىزدى رينگتەگى جەڭىستەرمەن ۇنەمى بيىكتە جەلبىرەتۋدى جازسىن اللاح. وسى ماقساتتا ايانباي تەر توگۋدەمىز. ال ەر ازامات وتباسى مەن وتانى ءۇشىن ەڭبەك ەتسە اداسپايدى»، - دەپ جازىپتى باتىر Instagram جەلىسىندە.