مەملەكەت باسشىسى شۆەيتساريادا وتكەن ينۆەستيتسيالىق دوڭگەلەك ۇستەل وتىرىسىنا قاتىستى

جەنەۆا. قازاقپارات - ق ر پرەزيدەنتى قاسىم-جومارت توقايەۆ شۆەيتساريادا وتكەن ينۆەستيتسيالىق دوڭگەلەك ۇستەل وتىرىسىنا قاتىستى، دەپ حابارلايدى قازاقپارات اقورداعا سىلتەمە جاساپ.

قاسىم-جومارت توقايەۆ ءوز سوزىندە دوڭگەلەك ۇستەلدىڭ قازاقستان مەن شۆەيتساريا اراسىنداعى ساۋدا-ەكونوميكالىق قاتىناستاردى دامىتۋدا ماڭىزى زور ەكەنىن اتاپ ءوتتى.

ونىڭ ايتۋىنشا، شۆەيتساريا كونفەدەراتسياسى ۇزاق جىلدان بەرى قازاقستاننىڭ نەگىزگى ستراتەگيالىق جانە ينۆەستيتسيالىق سەرىكتەسى سانالادى.

- سوڭعى 15 جىلدا ەلىمىزدىڭ ەكونوميكاسىنا سالىنعان شۆەيتساريا كاپيتالى 26 ميلليارد شۆەيتسار فرانكىنە جەتتى. ال شۆەيتسارياعا قۇيىلعان قازاقستاندىق ينۆەستيتسيانىڭ كولەمى 775,2 ميلليون شۆەيتسار فرانكىن قۇرادى. 200 دەن استام شۆەيتساريالىق كاسىپورىن قازاقستانعا ينۆەستيتسيا سالىپ، تابىستى جۇمىس ىستەپ جاتىر. ولاردىڭ قاتارىندا Glencore، Sika، Swiss Grow، Stadler جانە باسقا دا جاھاندىق دەڭگەيدەگى ءىرى كومپانيالار بار. بۇل ءبىز ءۇشىن، ياعني قازاقستانعا جانە ءبىزدىڭ ينۆەستيتسيا تارتۋ تاسىلىمىزگە دەگەن ۇلكەن سەنىمنىڭ بەلگىسى. بۇل باعىتتا قاجىرلى ەڭبەك ەتىپ كەلەمىز. بيىلعى ماۋسىم ايىندا ءبىزدىڭ نارىقتا جۇمىس ىستەيتىن شۆەيتساريالىق كومپانيالارمەن ارنايى كەزدەسۋ وتكىزدىم. سىزدەردىڭ بارىڭىزبەن تۇراقتى ءارى بەرىك ىنتىماقتاستىق ورناتۋعا نيەتتىمىز، - دەدى پرەزيدەنت.

مەملەكەت باسشىسى قازاقستان ورتالىق ازيا بويىنشا ەكونوميكاسى جىلدام دامىپ كەلە جاتقان ەلدەردىڭ ءبىرى ەكەنىن اتاپ ءوتتى.

تاۋەلسىزدىكتىڭ 30 جىلى ىشىندە 370 ميلليارد دوللاردان استام تىكەلەي شەتەل ينۆەستيتسياسى تارتىلدى. الەمنىڭ 180 ەلىمەن ساۋدا-ساتتىق جاسالادى.

- ەكونوميكامىز نىعايدى جانە مەيلىنشە باسەكەگە قابىلەتتى ءارى تارتىمدى بولدى. بۇگىندە ءبىز ەكونوميكانىڭ تازا، يننوۆاتسيالىق جانە ءارتاراپتاندىرىلعان مودەلىنە بەت بۇردىق. وسىعان وراي ناقتى شارالار قابىلداپ جاتىرمىز. سونىڭ اياسىندا ينۆەستورلارعا كەشەندى قولداۋ كورسەتۋ ۇلتتىق باسىمدىقتارىمىزدىڭ ءبىرى رەتىندە بەلگىلەندى. ءبىز جوبانىڭ باسىنان اياعىنا دەيىن ءاربىر ينۆەستورعا جەكە قولداۋ كورسەتۋ قاعيداتىن ەنگىزدىك. مەملەكەت اسا ماڭىزدى ينۆەستيتسيالىق جوبالارعا 25 جىلعا دەيىن زاڭنامالىق جانە قارجىلىق تۇراقتىلىقتى ساقتاۋعا كەپىلدىك بەرەدى، - دەدى قاسىم-جومارت توقايەۆ.

پرەزيدەنت شەتەلدىك ينۆەستورلار كەڭەسىن ءوزى باسقاراتىنىن جانە پرەمەر-ءمينيستردىڭ جەتەكشىلىگىمەن ينۆەستيتسيالىق ومبۋدسمەن جۇمىس ىستەيتىنىن جەتكىزدى.

- قازاقستاندا قىزمەتى اعىلشىن قۇقىعى بازاسىنا نەگىزدەلگەن تاۋەلسىز سوتى بار ءارى ورتالىق ازيا ايماعى بويىنشا جالعىز «استانا» حالىقارالىق قارجى ورتالىعى جۇمىس ىستەيدى. ا ح ق و قۇرىلىمىندا سوت ءىسىن قاراۋدىڭ جەدەل بالامالى ءتۇرىن قامتاماسىز ەتەتىن حالىقارالىق اربيتراج ورتالىعى قۇرىلعان. قارجىلىق قىزمەت كورسەتەتىن ورتالىقتىڭ قاتىسۋشىلارى 2066-جىلعا دەيىن كورپوراتيۆتى تابىس سالىعى مەن قوسىمشا قۇن سالىعىنان بوساتىلعان. شەتەل ۆاليۋتاسىنا، ۆيزالار مەن جۇمىس كۇشىنە قاتىستى تالاپتار وڭتايلاندىرىلعان. ءبىزدىڭ بيرجالىق الاڭىمىزدا الەمنىڭ 59 ەلىنەن 1000 نان استام كومپانيا بار، - دەدى مەملەكەت باسشىسى.

قازاقستان پرەزيدەنتى شۆەيتساريالىق ينۆەستورلارعا ەلىمىزدە ەكونوميكانىڭ باسىم باعىتتارى بويىنشا 37 ارناۋلى ەكونوميكالىق جانە يندۋستريالىق ايماقتىڭ قۇرىلعانىن ايتتى. سوڭعى جىلدارى قازاقستان كۇشتى كولىك-لوگيستيكالىق بازا قۇردى جانە ەلىمىزدىڭ جاھاندىق كولىك دالىزىنە قوسىلۋىن قامتاماسىز ەتتى. ەلىمىزدىڭ اۋماعى ارقىلى قىتاي، ورتالىق ازيا، ت م د ەلدەرى، پارسى شىعاناعى مەن ەۋروپا اراسىن جالعايتىن ونداعان حالىقارالىق كولىك جولى وتەدى.

- ەگەر كونسترۋكتيۆتى ديالوگ ورناسا جانە وعان بيزنەس قوسىلاتىن بولسا، ەلدەرىمىز اراسىنداعى قاتىناستار تابىستى بولادى دەپ ساناۋعا نەگىز بار. بۇعان وتىز جىل ىشىندە كوز جەتكىزدىك. ۇكىمەت وسىنداي ىقپالداستىق پەن ىنتىماقتاستىقتىڭ نەگىزىن قالاي الادى جانە سولاي جاساۋعا ءتيىس. بۇعان ديپلوماتيالىق جانە ساياسي قۇرالدار، رەتتەۋ تەتىكتەرى، ىنتالاندىرۋلار، قۇقىق ۇستەمدىگى قاعيداتىن ىسكە اسىرۋ جانە ناقتى قولداۋ شارالارى ارقىلى قول جەتكىزۋگە بولادى. قالعان ءىستىڭ ءبارىن بيزنەس جاساي الادى جانە ىستەۋگە ءتيىس، - دەدى قاسىم-جومارت توقايەۆ.

ينۆەستيتسيالىق دوڭگەلەك ۇستەل وتىرىسى بارىسىندا Economisuisse سىرتقى ەكونوميكالىق بايلانىستار جونىندەگى شۆەيتساريالىق كاسىپورىندار اسسوتسياتسياسىنىڭ ۆيتسە-پرەزيدەنتى يان اتتەسلاندەر، قازاقستان-شۆەيتساريا ىسكەرلىك كەڭەسىنىڭ تەڭ ءتوراعالارى: Stadler Rail AG كومپانياسىنىڭ باس اتقارۋشى ديرەكتورى پەتەر شپۋلەر، «قازاقستان تەمىر جولى» ۇ ك» اكسيونەرلىك قوعامىنىڭ باسقارما ءتوراعاسى نۇرلان ساۋرانبايەۆ، ABB Switzerland كومپانياسىنىڭ باس ديرەكتورى روبەرت يچنەر، Ammann Group كومپانياسىنىڭ باس اتقارۋشى ديرەكتورى حانس-كريستيان شنايدەر، KS Genetics كومپانياسىنىڭ پرەزيدەنتى فيليپپو لومباردي، Glencore جاھاندىق مىس-مىرىش دەپارتامەنتىنىڭ باسشىسى نيكولا پوپوۆيچ، Inoks Capital كومپانياسىنىڭ باس اتقارۋشى ديرەكتورى نابيل ابدۋل-ماسسيح، Basel Euro Airport كومپانياسىنىڭ دامۋ جونىندەگى ديرەكتورى ميحاەل شۆين، m-3 Groupe كومپانياسىنىڭ نەگىزىن قالاۋشى ءارى پرەزيدەنتى ابداللا شاتيلا، Polymetrix AG كومپانياسىنىڭ باس اتقارۋشى ديرەكتورى مارتين ميۋللەر، Clariant جاھاندىق ءارى ماڭىزدى تۇتىنۋشىلارمەن جۇمىس جونىندەگى باسقارۋشى ديرەكتورى يارلە شولد ءسوز سويلەدى.

شۆەيتساريالىق كاسىپكەرلەردىڭ ءسوزىن تىڭداعان مەملەكەت باسشىسى قازاقستان ەكونوميكاسىن دامىتۋعا قوسقان ۇلەسى ءۇشىن ولارعا العىس ايتتى جانە ەكى ەلدىڭ ىسكەرلىك توپتارىنىڭ ءوزارا جەمىستى ءارى ءتيىمدى ىنتىماقتاستىعى نىعايا تۇسەتىنىنە ۇمىتتەنەتىنىن جەتكىزدى.

سونىمەن قاتار جيىنعا «Roche Holding»، «Philip Morris International»، «Caviar House PRunier» ، «Swiss Choice Holding» ، «Bühler AG» ، «economisuisse «، «Swissgrow» جانە باسقا دا كومپانيالاردىڭ باسشىلارى قاتىستى.

ينۆەستيتسيالىق دوڭگەلەك ۇستەل وتىرىسىنىڭ قورىتىندىسى بويىنشا سوماسى 301 ميلليون دوللار بولاتىن التى كوممەرتسيالىق كەلىسىمگە جانە ون كوممەرتسيالىق ەمەس قۇجاتقا قول قويىلدى:

1. «Kazakh Invest» ۇ ك» اكسيونەرلىك قوعامى مەن Eurasia Group Ag كومپانياسىنىڭ اراسىندا قۇنى 50 ميلليون دوللار بولاتىن Eurasia Group كومپانياسىنىڭ 10 سەرۆيس ورتالىعىن سالۋ جونىندەگى ءوزارا تۇسىنىستىك تۋرالى مەموراندۋم؛

2. «سامۇرىق-قازىنا ينۆەست» ج ش س مەن Inoks Capital كومپانياسى اراسىندا سوماسى 50 ميلليون دوللار بولاتىن اگرارلىق قور قۇرۋ جونىندەگى كەلىسىم؛

3. قازاقستان رەسپۋبليكاسى دەنساۋلىق ساقتاۋ مينيسترلىگى مەن «Roche Holding» كومپانياسى اراسىنداعى الەۋمەتتىك ماڭىزى بار اۋرۋلاردى ەمدەۋ بويىنشا سوماسى 50 ميلليون دوللار بولاتىن يننوۆاتسيالىق دارىلىك پرەپاراتتاردى لوكاليزاتسيالاۋ جونىندەگى شەكتى كەلىسىم؛

4. الماتى وبلىسىندا قۇنى 50 ميلليون دوللار بولاتىن مال شارۋاشىلىعى كەشەنىن قۇرۋ جوباسى جونىندەگى كەلىسىم؛

5. «س پ Taraz Pet» ج ش س مەن شۆەيتساريالىق Polymetrix AG كومپانياسى اراسىنداعى «رەتسيكليرلەنگەن پوليەتيلەنتەرەفتالات (R- PET) ءوندىرۋ جونىندەگى زاۋىتتىڭ قۇرىلىسىنا» قاتىستى قۇنى 1 ميلليون دوللار بولاتىن جوبا بويىنشا تەحنولوگيالاردى بەرۋ تۋرالى ليسەنزيالىق كەلىسىم؛

6. «قازاقستان تەمىر جولى» ۇ ك» اكسيونەرلىك قوعامى مەن Stadler CIS AG كومپانياسى اراسىنداعى قۇنى 100 ميلليون دوللار بولاتىن ستراتەگيالىق ىنتىماقتاستىق تۋرالى كەلىسىم.