ەلوردادا قىسقى سپورت ماۋسىمى اشىلادى

نۇر-سۇلتان. قازاقپارات - 1- جەلتوقساندا ەلورداداعى شاڭعى روللەر تاسجولىندا ق ر تاۋەلسىزدىگىنىڭ 30 جىلدىعىنا، سونداي-اق ق ر تۇڭعىش پرەزيدەنتى كۇنىنە ارنالعان قىسقى ماۋسىمنىڭ اشىلۋى وتەدى، دەپ حابارلايدى قازاقپارات ءتىلشىسى.

سپورت جانە دەنە شىنىقتىرۋ كوميتەتىنىڭ مالىمەتىنشە، جارىسقا جەكە سپورتتىق جابدىقتارى بار كەز كەلگەن ادام قاتىسا الادى.

تىركەلۋ كەزىندە جەكە ۋالىگىنىڭ بولۋى قاجەت. شاڭعى جارىسىنىڭ ستارتتىق نومىرلەرى ءاربىر جاس توبىنا قاراي جارىس باستالماستان 30 مينۋت بۇرىن بەرىلەدى.

ءار جاس توبىنىڭ جەڭىمپازدارى مەن جۇلدەگەرلەرى ديپلومدارمەن، مەدالدارمەن جانە باعالى سىيلىقتارمەن ماراپاتتالادى.

نۇر-سۇلتان قالاسى اكىمدىگىنىڭ قولداۋىمەن ق ر مادەنيەت جانە سپورت مينيسترلىگى ۇيىمداستىراتىن ءىس-شارا ساعات 11.00 دە شاڭعى روللەر تاسجولىندا (ساياباق ايماعىندا ورنالاسقان Astana Park Hotel) باستالادى.

شارا اياسىندا ەلىمىزدىڭ 17 قالاسىمەن تەلەكوپىر ۇيىمداستىرىلىپ، «حابار 24» تەلەارناسىندا ونلاين-ترانسلياتسيا ارقىلى بۇقارالىق جارىستىڭ باستالۋى كورسەتىلەدى.