USD 434.24 EUR 492.69
RUB 5.67 CNY 68.46
جاڭالىقتار

قازاقستانعا قاي ەلدەردەن ەڭ كوپ ينۆەستيتسيا تارتىلدى

29 قاراشا 15:43
:ءبولىسۋ
قازاقستانعا قاي ەلدەردەن ەڭ كوپ ينۆەستيتسيا تارتىلدى

نۇر- سۇلتان. قازاقپارات - تاۋەلسىزدىك جىلدارىندا ەلگە 670 ميلليارد ا ق ش دوللارىنان استام تىكەلەي شەتەلدىك ينۆەستيتسيا تارتىلدى.

بۇل تۋرالى ق ر ۇلتتىق ەكونوميكا ۆيتسە- ءمينيسترى الىشەر ءابدىقادىروۆ ايتتى، دەپ حابارلايدى قازاقپارات ءتىلشىسى.

«ءبىرىنشى جارتىجىلدىق قورىتىندىسى بويىنشا قازاقستانعا شەتەلدىك تىكەلەي ينۆەستيتسياسىنىڭ اعىنى 11,1 ميلليارد دوللاردى قۇراپ، بىلتىرعى دەڭگەيدەن 30 پايىزعا جوعارى بولدى. ەلدەر اراسىندا ينۆەستيتسيالار كوبىنە نيدەرلاندىدان تارتىلدى. بيىلعى جارتى جىلدا وسى ەلدىڭ ۇلەسى 29,6 پايىز بولدى. ەكىنشى ورىندا 18,8 پايىز كورسەتكىشپەن ا ق ش تۇر. ودان كەيىنگى ورىنداردا شۆەيساريا، رەسەي، ۇلى بريتانيا»، - دەدى ق ر س ءى م ينۆەستيتسيالار كوميتەتى ءتوراعاسىنىڭ ورىنباسارى ەرلان زەينەشيەۆ ورتالىق كوممۋنيكاتسيالار قىزمەتىندە.

ءوز كەزەگىندە ق ر ۇلتتىق ەكونوميكا ۆيتسە- ءمينيسترى الىشەر ءابدىقادىروۆ تاۋەلسىزدىك جىلدارىندا ەلگە 670 ميلليارد ا ق ش دوللارىنان استام تىكەلەي شەتەلدىك ينۆەستيتسيا تارتىلعانىن ايتتى.

«ءبىرىنشى ورىندا 200 ميلليارد دوللار كورسەتكىشپەن نيدەرلاندى، ال ەكىنشى ورىندا 90 ميلليارد دوللارعا جۋىق سومادا ا ق ش، سونداي- اق ءۇشىنشى ورىندا 55,8 ميلليارد دوللار كولەمدەگى قارجىمەن شۆەيتساريا تۇر»، - دەدى ءا. ءابدىقادىروۆ.

بۇدان بۇرىن حابارلانعانداي، الىشەر ءابدىقادىروۆ پاندەميانىڭ شەكتەۋ ءىس- شارالارى جاعدايىندا جاھاندىق تىكەلەي شەتەل ينۆەستيتسيالارى اعىندارى % 35- عا تومەندەگەنىن ايتتى. بيىل قازاقستانعا 20 ميلليارد ا ق ش دوللارى كولەمىندە ينۆەستيتسيا تارتىلماق.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات