USD 434.24 EUR 492.69
RUB 5.67 CNY 68.46
جاڭالىقتار

ەلوردادا «ەلدىكتىڭ جەتى تۇعىرى» تالقىلاندى

29 قاراشا 15:28
:ءبولىسۋ
ەلوردادا «ەلدىكتىڭ جەتى تۇعىرى» تالقىلاندى

نۇر- سۇلتان. قازاقپارات - ەلوردادا «ەلدىكتىڭ جەتى تۇعىرى» تاقىرىبىنا ارنالعان دوڭگەلەك ۇستەل وتىرىسى ءوتتى، دەپ حابارلايدى قازاقپارات ءتىلشىسى.

«ءبىز ەلىمىزدىڭ ودان ءارى دامۋىنا ۇلەس قوسۋعا تىرىسامىز. ال مەملەكەتتىڭ جەتى تۇعىرىنىڭ ماڭىزىن جاستارعا جەتكىزۋ - ءبىزدىڭ پارىزىمىز دەپ بىلەمىز. ەلباسى ءوز ۇندەۋىندە بىزگە، كەلەشەك ۇرپاققا، جاستارىمىزعا وسىنداي جاۋاپتى ميسسيانى جۇكتەگەنىنە وتە قۋانىشتىمىن. Qazaqstan Team تالانتتاردى انىقتاۋ الاڭى بولىپ، سول ارقىلى جاستار ساياساتىن كۇشەيتەدى دەپ سەنەمىز»، - دەدى جيىندا ءسوز العان Qazaqstan Team رەسپۋبليكالىق جاستار ۇيىمىنىڭ جەتەكشىسى ولجاس سۇلەيمەنوۆ.

ءىس- شاراعا اعا جانە جاس ۇرپاق وكىلدەرى، قوعامدىق پىكىر كوشباسشىلارى، سپورتشىلار مەن كاسىپكەرلەر قاتىستى. سپيكەرلەر وزدەرىنىڭ ومىرلىك جانە كاسىبي تاجىريبەسىنىڭ پريزماسى ارقىلى قانداي دا ءبىر قاعيدالاردى قابىلداۋى جايىندا اڭگىمەلەدى.

«تاۋەلسىزدىكتىڭ 30 جىلدىعى قارساڭىندا قازاقستاننىڭ جاستارى الدىندا ەلباسى جانە پرەزيدەنت زامانداستارى ساياسي بۋىنى قالاعان تاۋەلسىز قازاقستاننىڭ ىرگەسىن نىعايتۋ ءارى دامىتۋ ىسپەتتەس ماڭىزدى ماقساتتار تۇر. بۇل بيىك مۇراتتى ءتۇسىنۋ جانە ونىڭ ورىندالۋىنا كۇش جىگەرىن قوسۋ وسكەلەن تاۋەلسىزدىك ۇرپاقتارىنىڭ باستى تاريحي جانە ساياسي جاۋاپكەرشىلىگى»، - ق ر پرەزيدەنتى جانىنداعى جاستار ساياساتى جونىندەگى كەڭەسىنىڭ مۇشەسى ءۋاليحان باحرەتدينوۆ.

ەستەرىڭىزگە سالا كەتەيىك، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قازاقستاندىقتار ءۇشىن نەگىزگى باعدار بولاتىن «ەلدىكتىڭ جەتى تۇعىرى» قاعيداتتارىنىڭ جيىنتىعىن جاس ۇرپاققا ۇندەۋىن جولدادى.

ولار: «تاۋەلسىزدىك - كەز كەلگەن ازامات ءۇشىن ەڭ قاستەرلى قۇندىلىق»، «بىرلىك پەن كەلىسىم - ەلدىگىمىزدىڭ مىزعىماس تۇعىرى»، «جەر - اتا- بابا مۇراسى، حالىق قازىناسى»، «وتباسى مەن سالت- ءداستۇر - قوعامنىڭ التىن دىڭگەگى»، «ۇلتتىق مادەنيەت - حالىقتىڭ رۋحاني تىرەگى»، «ءبىلىم مەن ەڭبەك - باقۋاتتى ءومىردىڭ كىلتى»، «پراگماتيزم - باسەكەگە قابىلەتتى بولۋدىڭ كەپىلى».

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات