USD 434.24 EUR 492.69
RUB 5.67 CNY 68.46
جاڭالىقتار

قازاقستاندا قانداي قالدىقتاردى كومۋگە تىيىم سالىنعان

29 قاراشا 14:54
:ءبولىسۋ
قازاقستاندا قانداي قالدىقتاردى كومۋگە تىيىم سالىنعان

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى رومان سكليار ەلىمىزدە كومۋگە تىيىم سالىنعان قالدىقتاردى اتادى، دەپ حابارلايدى قازاقپارات ءتىلشىسى.

«ەكولوگيا كودەكسىنىڭ 365-بابىنا سايكەس، جەرگىلىكتى اتقارۋشى ورگاندار تۇرمىستىق قاتتى قالدىقتاردى جيناۋ، تاسىمالداۋ، سۇرىپتاۋ، قالپىنا كەلتىرۋ جانە جويۋ قىزمەتتەرىن جۇزەگە اسىراتىن كاسىپكەرلىك سۋبەكتىلەرى ءۇشىن قاجەتتى ينفراقۇرىلىمدى ازىرلەپ، ونىڭ جۇمىس ىستەۋىن قامتاماسىز ەتەدى. پاليگوندارعا جەتكىزىلەتىن قالدىقتاردى قىسقارتۋ، ساپالى قايتالاما شيكىزات الۋ ءۇشىن 2016 -جىلدان بەرى قالدىقتاردىڭ ءبىرقاتار ءتۇرىن، ونىڭ ىشىندە قۇرىلىس قالدىقتارىن كومۋگە تىيىم كەزەڭ- كەزەڭىمەن ەنگىزىلدى»، - دەلىنگەن رومان سكلياردىڭ ءماجىلىس دەپۋتاتتارى ساۋالىنا بەرگەن جاۋابىندا.

ونىڭ اتاپ وتۋىنشە، 2016 -جىلدان باستاپ قۇرامىندا سىناپ بار شامدار مەن قۇرالداردى، مەتالل قالدىقتارىن، كادەگە جاراتىلعان ماي مەن سۇيىقتىقتاردى، باتارەيالاردى، ەلەكتروندى قالدىقتاردى پوليگونداردا كومۋگە تىيىم سالىنعان. ال 2019 -جىلدان بەرى پلاستماسسا، ماكۋلاتۋرا، كارتون جانە قاعاز قالدىقتارىن، شىنىلاردى، 2021 -جىلدىڭ 1-قاڭتارىنان قۇرىلىس جانە تاماق قالدىقتارىن كومۋگە بولمايدى.

«قالدىقتاردى باسقاراتىن ۇيىمداردىڭ قىزمەتىن رەتكە كەلتىرۋ جانە باقىلاۋ ءۇشىن كودەكستە حابارلاندىرۋ ءتارتىبىن ەنگىزۋ كوزدەلگەن. سونىمەن قاتار جاڭادان زاڭسىز قوقىس الاڭدارىنىڭ پايدا بولۋىنا جول بەرمەۋ ماقساتىندا قوقىس شىعاراتىن ۇيىمدار كولىكتەرىنە GPS قۇرالىن ورناتۋعا جانە كولىكتەردىڭ قوزعالىسى تۋرالى تولىق اقپاراتتى بەرىپ وتىرۋعا مىندەتتى»، - دەدى ۇكىمەت باسشىسىنىڭ ورىنباسارى.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات