جۇكتى ايەلدەردە كوروناۆيرۋس نەگە اسقىناتىنى ايتىلدى

نۇر-سۇلتان. قازاقپارات - دارىگەرلەر جۇكتى ايەلدەردىڭ كوروناۆيرۋس كەزىندە قانداي اسقىنۋلاردان زارداپ شەگەتىنىن ايتتى، - دەپ حابارلايدى نۇر-سۇلتان اكۋشەر- گينەكولوگتار فەدەراتسياسىنىڭ باسپا ءسوز قىزمەتى.

2021 -جىلدىڭ مامىر- تامىز ايلارى ارالىعىندا نۇر-سۇلتان اۋرۋحاناسىندا كوروناۆيرۋس جۇقتىرعان 1541 جۇكتى ايەل جاتتى. تەك 320 ايەلدە ينفەكسيا اسيمپتوماتيكالىق بولدى.

1221 ناۋقاستا قىزبا، جوتەل، ەنتىگۋ، ديارەيا، تاماق اۋرۋى، قالتىراۋ جانە ميالگيا سەكىلدى كلينيكالىق بەلگىلەر بايقالدى.

«بيىل بىزدە كورونوۆيرۋستان ۋاقىتىندا ەمدەلمەگەن ءبىر ايەل قايتىس بولدى. ۋاقىتىندا اۋرۋحاناعا جاتقىزىلماعان، ءوز بەتىنشە ەمدەلىپ، ەكپە الماي جۇرە بەرگەن. 2021 -جىلدىڭ توعىز ايىندا ءۇش جۇكتى ايەل قايتىس بولدى. ەكى ايەل كوروناۆيرۋستان، بىرەۋى قاتەرلى ىسىكتەن كوز جۇمدى. قازىر اكۋشەرلىك اسقىنۋلارمەن بولعاتىن ءولىم-ءجىتىم از، ءبىز مۇنىمەن كۇرەسۋدى ۇيرەندىك، ءبىراق قيىن جاعدايلار بولدى»، - دەدى استانا مەديتسينا ۋنيۆەرسيتەتىنىڭ اكۋشەرلىك جانە گينەكولوگيا كافەدراسىنىڭ مەڭگەرۋشىسى، مەديتسينا عىلىمدارىنىڭ كانديداتى، اكۋشەر- گينەكولوگ زايتۋنا حاميدۋللينا ا. نۇر-سۇلتانداعى كونفەرەنسيادا.

ناۋقاستاردىڭ 20 پايىزدان ازى بورتپە، باس اۋرۋى، السىزدىك جانە تابەتتىڭ تومەندەۋىنە شاعىمداندى. وكپە اۋرۋىنا 1190 ايەل تەكسەرىلدى. 357 ايەلدە وكپە زاقىمدانۋىنىڭ ەكى جاقتى بەلگىلەرى، 618-دە ءبىر جاقتى بەلگىلەرى بولدى. 215 جۇكتى ايەلدە وكپە اۋرۋلارى انىقتالعان جوق.

جۇكتى ايەلدەر مەن بوساناتىن ايەلدەر جەڭىل جانە سيمپتومسىز COVID-19-مەن امبۋلاتوريالىق نەگىزدە بايقالدى.

جۇكتى ايەلدەردىڭ كوپشىلىگى 2021 -جىلدىڭ شىلدە- تامىز ايلارىندا اۋرۋحاناعا جاتقىزىلدى - 1247 جاعداي. دارىگەرلەر مۇنى قالاداعى كوروناۆيرۋستىڭ ەڭ جوعارى دەڭگەيىمەن بايلانىستىرادى.