USD 434.24 EUR 492.69
RUB 5.67 CNY 68.46
جاڭالىقتار

جايىلىمنان مال اتىپ الىپ، ەلوردا بازارىندا ساتقاندار ۇستالدى

29 قاراشا 12:31
:ءبولىسۋ
جايىلىمنان مال اتىپ الىپ، ەلوردا بازارىندا ساتقاندار ۇستالدى

نۇر-سۇلتان. قازاقپارات - سوڭعى 5 جىلدا ەلىمىزدە مال ۇرلىعىنىڭ سانى 38,5 پايىزعا تومەندەدى. بۇل جايىندا ق ر ءى ءى م رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«پاۆلودار وبلىسىندا قۇرامىندا 15 ادام بار قىلمىستىق توپ انىقتالىپ، 18 مال ۇرلىعىن جاساعانى دالەلدەندى. قاسكۇنەمدەر اپتاسىنا ءبىر رەت شارۋا قوجالىعىنان 1-2 باستان ءىرى قارا مالدى ۇرلاپ، سودان كەيىن دەمالىس كۇندەرى ەكىباستۇز بازارلارىندا ەت ساتقان. سونداي-اق اقمولا وبلىسىندا جايىلىمدا جۇرگەن مالدى اتىپ، نۇر-سۇلتان قالاسىنىڭ بازارلارىندا ەت ساتقان توپ ۇستالدى»، - دەدى رەسمي وكىل ءى ءى م باسپا ءسوز الاڭىندا وتكەن بريفينگتە.

نۇردىلدا ورازدىڭ دەرەگىنشە، قابىلدانىپ جاتقان ءىس-شارالاردىڭ ناتيجەسىندە سوڭعى 5 جىلدا مال ۇرلىعىنىڭ سانى 38,5 پايىزعا تومەندەدى. ەگەر 2016 -جىلى وسىنداي 7 مىڭنان استام قىلمىس تىركەلگەن بولسا، 2020 -جىلى 2 مىڭنان اسپايدى. مۇنداي ءۇردىس وسى جىلى دا ساقتالىپ وتىر. مال ۇرلىعىنىڭ سانى 18 پايىزعا ازايدى.

«مال ۇرلىعىنان قورعانۋ ءۇشىن ءى ءى م ولاردىڭ يەلەرىنە قاراپايىم قاۋىپسىزدىك ەرەجەلەرىن ساقتاۋدى ۇسىنادى. اتاپ ايتقاندا مالدى قاراۋسىز قالدىرماۋ، مەنشىك يەسى، اكىمدىك جانە باقتاشى اراسىندا ءۇشجاقتى شارت جاساسۋ. GPS- ترەكەرلەردى ورناتا وتىرىپ، اسىل تۇقىمدى مالدى باقىلاۋدىڭ زاماناۋي ادىستەرىن قولدانۋ كەرەك. مالدى تاڭبالاۋ جانە بيركا سالۋ مىندەتتى. بۇل ونى ىزدەۋگە، سونداي-اق مال يەلەرىنىڭ داۋلارىن شەشۋگە كومەكتەسەدى»، - دەدى رەسمي وكىل.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات