بەلگيا دا ساياحاتشىلاردىڭ كەلۋىنە شەكتەۋ قويماق

نۇر-سۇلتان.قازاقپارات - بەلگيا بۇگىننەن باستاپ وڭتۇستىك افريكاداعى 7 ەلدەن كەلگەن ساياحاتشىلاردىڭ ەلگە كىرۋىنە شەكتەۋ ەنگىزدى، دەپ حابارلايدى «حابار 24».

دەگەنمەن جۇك، رەپاترياتسيالىق جانە گۋمانيتارلىق رەيستەر جۇزەگە اسىرىلا بەرمەك. ال تۋريستەرگە قاتىستى شەكتەۋگە ەلدە كوروناۆيرۋستىڭ «وميكرون» دەپ اتالاتىن جاڭا شتامدى العاش جۇقتىرۋ دەرەگى تىركەلۋىنە بايلانىستى بولىپ وتىر. ول وسى وڭتۇستىك افريكا ەلدەرىنەن ۇشىپ كەلگەن ازاماتتاردىڭ بىرىنەن انىقتالعان.

وسىعان بايلانىستى قىزىل ايماقتان ورالعان ادامداردىڭ بارلىعىن 10 كۇندىك كارانتينگە جابۋ شەشىلگەن. جالپى بەلگيادا سوڭعى كەزدە دەلتا شتامىن جۇقتىرۋشىلار كوبەيگەن. وتكەن اپتادا ۆيرۋس 22 مىڭنان استام ادامنان انىقتالعان. اۋرۋحاناعا تۇسكەن ناۋقاس سانى ءوسىپ، ءولىم- ءجىتىم ارتقان. سالدارىنان كورولدىكتە شەكتەۋ شارالارى قاتاڭداتىلىپ، بيلىك تۇرعىنداردى بۋستەرلى دوزا سالدىرۋعا شاقىرىپ جاتىر.

www.24.kz