USD 434.48 EUR 492.61
RUB 5.68 CNY 68.44
جاڭالىقتار

كەز كەلگەن مولشەردە الكوگول ءىشۋ قاتەرلى ىسىك قاۋپىن ارتتىرادى – د د ۇ

29 قاراشا 07:03
:ءبولىسۋ
كەز كەلگەن مولشەردە الكوگول ءىشۋ قاتەرلى ىسىك قاۋپىن ارتتىرادى – د د ۇ

نۇر- سۇلتان. قازاقپارات - بۇگىندە ءسۇت بەزى قاتەرلى ىسىگى - قازاقستاندا جانە بۇكىل الەمدە ايەلدەر اراسىندا كەڭ تارالعان ونكولوگيالىق اۋرۋلاردىڭ ءبىرى.

دۇنيەجۇزىلىك دەنساۋلىق ساقتاۋ ۇيىمىنىڭ باستاماسىمەن وسى جىلدىڭ قازان ايى ءسۇت بەزى قاتەرلى ىسىگى تۋرالى حابار بەرەتىن اي بولىپ تاڭدالدى.

د د ۇ- نىڭ قازاقستانداعى كەڭسەسىندە ءسۇت بەزى قاتەرلى ىسىگىنىڭ دامۋ ءقاۋپىنىڭ نەگىزگى فاكتورلارىنىڭ ءبىرى الكوگولدى تۇتىنۋ ەكەنى اتاپ ءوتىلدى، دەپ حابارلايدى قازاقپارات.

الكوگول ءىشۋ قاتەرلى ىسىكتىڭ كەم دەگەندە جەتى تۇرىنە اكەلۋى مۇمكىن: اۋىز قۋىسىنىڭ قاتەرلى ىسىگى، وڭەش قاتەرلى ىسىگى، كومەي قاتەرلى ىسىگى، باۋىر قاتەرلى ىسىگى، توق ىشەك قاتەرلى ىسىگى جانە ءسۇت بەزى قاتەرلى ىسىگى. ساراپشىلار الكوگولدىڭ كەز كەلگەن مولشەرىن ءىشۋ قاتەرلى ىسىك اۋرۋىنىڭ ءقاۋپىن ارتتىراتىنىن اتاپ ءوتتى. ەگەر ءسۇت بەزى قاتەرلى ىسىگىنە توقتالار بولساق، ءتىپتى كۇنىنە ءبىر ستاقان شاراپ ايەلدەردە ءسۇت بەزى قاتەرلى ىسىگىنىڭ دامۋ قاۋپىن ارتتىرۋى مۇمكىن. ىشىمدىكتى ازايتۋ نەمەسە الكوگولدەن تولىق باس تارتۋ قاتەرلى ىسىك اۋرۋىنىڭ قاۋپىن ازايتۋعا كومەكتەسەدى.

«الكوگولدىڭ كەز كەلگەن ءتۇرى قاتەرلى ىسىك قاۋپىن ارتتىرادى. سەبەبى، ءسپيرتتىڭ ادام دەنساۋلىعىنا زيانى وراسان. كەيبىر ىشىمدىك سۋسىندارىندا ءسپيرتتىڭ پروتسەنتى جوعارى، ال كەيبىر سىرا تۇرلەرىندە سپيرت كوپ ەكەنىن ۇمىتپاۋ كەرەك»، - دەلىنگەن حالىقارالىق قاتەرلى ىسىكتى زەرتتەۋ اگەنتتىگىنىڭ سايتىندا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات