USD 434.24 EUR 492.69
RUB 5.67 CNY 68.46
جاڭالىقتار

قازاقستاندا اپتا ىشىندە بولعان كادرلىق تاعايىنداۋلار

28 قاراشا 16:43
:ءبولىسۋ
قازاقستاندا اپتا ىشىندە بولعان كادرلىق تاعايىنداۋلار

نۇر-سۇلتان. قازاقپارات - ەلىمىزدە وتكەن اپتا ىشىندە ءبىرقاتار كادرلىق اۋىس- ءتۇيىس بولدى، دەپ حابارلايدى قازاقپارات.

23-قاراشا كۇنى نۇرسۇلتان نازاربايەۆ «Nur Otan» پارتياسىنىڭ ءتوراعاسى وكىلەتتىگىن پرەزيدەنتكە تاپسىرۋ تۋرالى شەشىم قابىلدادى. «ساياسي كەڭەستىڭ كەڭەيتىلگەن وتىرىسىندا نۇرسۇلتان نازاربايەۆ «Nur Otan» پارتياسىنىڭ ءتوراعاسى وكىلەتتىگىن تاپسىرۋ تۋرالى شەشىم قابىلداي وتىرىپ، پارتيانى ەل پرەزيدەنتى باسقارۋى كەرەكتىگىن اتاپ ءوتتى. وكىلەتتىكتى بەرۋ ءراسىمى پارتيا جارعىسىنا ساي جۇزەگە اساتىن بولادى»، - دەلىنگەن حابارلامادا.

24-قاراشا كۇنى مەملەكەت باسشىسىنىڭ جارلىعىمەن اماندىق عابباس ۇلى باتالوۆ الماتى وبلىسىنىڭ اكىمى لاۋازىمىنان بوساتىلدى. ق ر پرەزيدەنتى اكىمشىلىگىنىڭ باسشىسى ەرلان قوشانوۆتىڭ قاتىسۋىمەن الماتى وبلىسىنىڭ اكىمدىگىندە وبلىستىق ءماسليحاتتىڭ كەزەكتەن تىس سەسسيا ءوتتى. جيىندا وبلىس ءماسليحاتتىڭ دەپۋتاتتارى اماندىق باتالوۆتى قىزمەتىنەن بوساتۋ جونىندەگى شەشىمگە داۋىس بەردى. ءوز كەزىندە ەرلان قوشانوۆ الماتى وبلىسىنىڭ اكىمى اماندىق باتالوۆقا بۇعان دەيىن اتقارعان جۇمىستارىنا العىس ءبىلدىردى.

اماندىق باتالوۆ 1952 -جىلى وزبەك كرسرر نۇكىستە دۇنيەگە كەلگەن. جامبىل گيدرومەليوراتيۆتىك- قۇرىلىس ينستيتۋتىن بىتىرگەن. 1981-1985 -جىلدارى - «الماتى وڭدەۋقۇرىلىس» ترەسىنىڭ №37-قۇرىلىس- مونتاج باسقارماسىندا اعا پروراب، باس ينجەنەر، باستىق.

1985-1987 -جىلدارى - قازاقستان كومپارتياسى لەنين اۋداندىق كوميتەتىنىڭ نۇسقاۋشىسى قۇرىلىس جانە وندىرىستىك قۇرىلىس ماتەريالدارى قىزمەتكەرلەرى كاسىپوداعى الماتى وبلىستىق كوميتەتىنىڭ حاتشىسى قازاقستان كپ الماتى قالالىق كوميتەتىنىڭ قۇرىلىس جانە قالا شارۋاشىلىعى ءبولىمىنىڭ نۇسقاۋشىسى.

1987-1989 -جىلدارى - قۇرىلىس جانە ونەركاسىپتىك قۇرىلىس ماتەريالدارى وبلىستىق كوميتەتىنىڭ ءتوراعاسى. 1989-1991 -جىلدارى - قازاق ك س ر مينيسترلەر كەڭەسى ءىس باسقارماسىنىڭ قۇرىلىس، ونەركاسىپ قۇرىلىس ماتەريالدارى بولىمىندە جەتەكشى مامان، باس مامان. 1991-1992 -جىلدارى – ق ر پرەزيدەنتى اپپاراتىندا قۇرىلىس، ونەركاسىپتىك قۇرىلىس ماتەريالدارى ءبولىمىنىڭ رەفەرەنتى.

1992 -جىلى - «قۇرىلىس يندۋسترياسى جانە تەحنولوگيا» كونتسەرنىنىڭ ۆيتسە- پرەزيدەنتى. 1992-1994 -جىلدارى - الماتى قالاسى كالينين اۋدانى اكىمشىلىگى باسشىسىنىڭ ورىنباسارى، ءبىرىنشى ورىنباسارى.

1994-1995 -جىلدارى - لەنين اۋداندىق اكىمشىلىگىنىڭ اكىمى. 1995-2001 -جىلدارى - الماتى قالاسى جەتىسۋ اۋدانىنىڭ اكىمى. 2001-2008 -جىلدارى - الماتى وبلىسى اكىمىنىڭ ورىنباسارى. 2008 -جىلدان بەرى الماتى وبلىسى اكىمىنىڭ ءبىرىنشى ورىنباسارى قىزمەتىن اتقاردى. 2014 -جىلدىڭ تامىز ايىنان بەر الماتى وبلىسىنىڭ اكىمى بولدى.

سول كۇنى قانات بوزىمبايەۆ الماتى وبلىسىنىڭ اكىمى بولىپ تاعايىندالدى. «قانات الدابەرگەن ۇلى بوزىمبايەۆ الماتى وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى لاۋازىمىنان بوساتىلسىن»، - دەلىنگەن ق ر پرەزيدەنتىنىڭ جارلىعى ماتىنىندە. قانات بوزىمبايەۆ 1969 -جىلى الماتى قالاسىندا دۇنيەگە كەلگەن. 1993 -جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا ءتامامداعان.

ەڭبەك جولىن 1993 -جىلى «ەدەم ل ت د» جاۋاپكەرشىلىگى شەكتەۋلى سەرىكتەستىگىندە ەكونوميست بولىپ باستاعان. 1994-1997 -جىلدارى الماتى قالاسى اكىمىنىڭ كومەكشىسى. 1997 -جىلى «الماز جانە كومپانيا» كومپانياسىنىڭ ەكونوميكالىق ماسەلەلەر جونىندەگى ديرەكتورى، قازاقستان رەسپۋبليكاسى ەكونوميكا جانە ساۋدا مينيسترلىگىنىڭ وڭىرلىك ساياسات ءبولىمىنىڭ باسشىسى.

1997-1998 -جىلدارى «مۇناي تاسىمالداۋ جونىندەگى «قازترانسويل» ۇلتتىق كومپانياسى» جابىق اكسيونەرلىك قوعامىنىڭ جيىنتىق- قارجىلىق دەپارتامەنتىنىڭ باستىعى، ەكونوميكالىق ماسەلەلەر بويىنشا ۆيتسە-پرەزيدەنتى. 1998-2000 -جىلدار ارالىعىندا قازاقستان رەسپۋبليكاسى ەنەرگەتيكا، يندۋستريا جانە ساۋدا مينيسترلىگىنىڭ مۇناي جانە گاز دەپارتامەنتىنىڭ باسشىسى.

2000-2001 ارالىعىندا قازاقستان رەسپۋبليكاسىنىڭ ەنەرگەتيكا، يندۋستريا جانە ساۋدا ۆيتسە- ءمينيسترى، «KEGOC» اشىق اكسيونەرلىك قوعامىنىڭ ءبىرىنشى ۆيتسە- پرەزيدەنتى بولعان. 2001-2007 -جىلدار ارالىعىندا «KEGOC» اشىق اكسيونەرلىك قوعامىنىڭ پرەزيدەنتى.

2007-2009 -جىلدار ارالىعىندا «مەملەكەتتىك اكتيۆتەردى باسقارۋ جونىندەگى «سامۇرىق» حولدينگى» اكسيونەرلىك قوعامىنىڭ باسقارما ءتوراعاسى، «KEGOC» اكسيونەرلىك قوعامىنىڭ باسقارما ءتوراعاسى. 2009-2013 -جىلدار ارالىعىندا جامبىل وبلىسىنىڭ اكىمى. 2013-2016 -جىلدار ارالىعىندا پاۆلودار وبلىسىنىڭ اكىمى.

2016-2019 -جىلدار ارالىعىندا قازاقستان رەسپۋبليكاسىنىڭ ەنەرگەتيكا ءمينيسترى. 2019 -جىلدىڭ 18 جەلتوقسانىندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالعان. قازاق، ورىس، اعىلشىن تىلدەرىن بىلەدى. 24 قاراشادا «KEGOC» ا ق اكسيونەرلەرىنىڭ كەزەكتەن تىس جالپى جينالىسى ءوتتى.

باقىتجان قاجيەۆتىڭ ءوز ۇسىنىسىمەن «KEGOC» ا ق باسقارما ءتوراعاسى جانە ديرەكتورلار كەڭەسىنىڭ مۇشەسى رەتىندەگى وكىلەتتىگى مەرزىمىنەن بۇرىن توقتاتىلدى.

«KEGOC» ا ق اكسيونەرلەرىنىڭ كەزەكتەن تىس جالپى جينالىسىنىڭ شەشىمىمەن باسقارما ءتوراعاسى بولىپ قانىش مولدابايەۆ ءۇش جىل مەرزىمگە تاعايىندالدى، ونىڭ ديرەكتورلار كەڭەسىنىڭ ءتوراعاسى رەتىندەگى وكىلەتتىگى دە مەرزىمىنەن بۇرىن توقتاتىلدى.

ال ديرەكتورلار كەڭەسىنىڭ ءتوراعاسى بولىپ سۇيىنشىلىك تيەسوۆ سايلاندى. سونىمەن قاتار ەرنات بەردىعۇلوۆتى «سامۇرىق- قازىنا» ا ق مۇددەلەرىنىڭ وكىلى رەتىندە «KEGOC» ا ق ديرەكتورلار كەڭەسىنىڭ مۇشەسى ەتىپ سايلاۋ تۋرالى شەشىم قابىلداندى. س. ا. تيەسوۆ پەن ە. ك. بەردىعۇلوۆتىڭ وكىلەتتىك مەرزىمى جالپى «KEGOC» ا ق ديرەكتورلار كەڭەسىنىڭ وكىلەتتىك مەرزىمى اياقتالعانعا دەيىنگى مەرزىمگە بەلگىلەنگەن.

جۇما كۇنى ش ق و جۇمىسپەن قامتۋ باسقارماسىنا جاڭا باسشى كەلدى. وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ جاڭا باسشىسى بولىپ الميرا مۋسينوۆا تاعايىندالدى.

الميرا اسكەرحان قىزى - 1976 -جىلى 2-ناۋرىزدا شىعىس قازاقستان وبلىسى كاتونقاراعاي اۋدانى مەدۆەدكا اۋىلىندا دۇنيەگە كەلگەن. س. امانجولوۆ اتىنداعى ش ق ۋ- دى «دۇنيەجۇزى تاريحى» ماماندىعى بويىنشا ءبىتىردى. ەڭبەك جولىن جەزقازعان قالاسىنىڭ ءى ءى ب جەكە كۇزەت باتالونىنىڭ سەرجانتى بولىپ باستادى.

2009-2010 -جىلدارى وسكەمەن قالاسى اكىمدىگىنىڭ ۇيىمداستىرۋ- باقىلاۋ جانە كادر جۇمىسى ءبولىمىنىڭ باس مامانى. 2010-2011 -جىلدارى اتالعان اكىمدىكتە الەۋمەتتىك- ساياسي جاعدايدى تالداۋ ءبولىمىنىڭ مەڭگەرۋشىسى. 2011-2013 -جىلدارى ارالىعىندا وسكەمەن قالاسى اكىمىنىڭ الەۋمەتتىك بلوك بويىنشا باس ينسپەكتورى بولدى.

2013-2014 -جىلدارى قالا اكىمىنىڭ كەڭەسشىسى. 2014 -جىلدان باستاپ 2020 -جىلعا دەيىن - وسكەمەن قالاسى اكىمدىگىنىڭ ۇيىمداستىرۋ- ينسپەكتورلىق جۇمىس ءبولىمىنىڭ باسشىسى لاۋازىمىن اتقارعان. 2020 -جىلدىڭ قاڭتار ايىنان وسى ۋاقىتقا دەيىن وسكەمەن قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى بولىپ ەڭبەك ەتتى.

اۆتور: ءالي يبرايەۆ


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات