USD 435.1 EUR 493.27
RUB 5.69 CNY 68.63
جاڭالىقتار

قىتايلىق ساراپشىلار كوروناۆيرۋستىڭ جاڭا تۇرىنە بايلانىستى سابىرعا شاقىردى

28 قاراشا 10:08
:ءبولىسۋ
قىتايلىق ساراپشىلار كوروناۆيرۋستىڭ جاڭا تۇرىنە بايلانىستى سابىرعا شاقىردى

بەيجىڭ. قازاقپارات - قىتايلىق ساراپشىلار B.1.1.529 دەپ تانىلعان COVID-19-دىڭ جاڭا شتاممىنىڭ تابىلۋىنا بايلانىستى دۇربەلەڭ تۋدىرماۋعا شاقىردى.

سەبەبى، مۋتاتسيا سانى ينفەكسيا جوعارى بولعاندا عانا كوبەيمەيدى، دەپ حابارلايدى قازاقپارات ءتىلشىسى «حۋاڭشيۋ شيباۋ» باسىلىمىنا سىلتەمە جاساپ.

گونكونگ ۋنيۆەرسيتەتىنىڭ پروفەسسورى جين دۋنياننىڭ ايتۋىنشا، قوعام كوروناۆيرۋستىڭ جاڭا شتامىنا قىراعى بولۋى كەرەك، ءبىراق دۇربەلەڭ تۋدىرماۋ كەرەك.

«ونىڭ جاھاندىق قاۋپى تۋرالى جانە ۆاكسينانىڭ وعان ىقپالى تۋرالى دەرەكتەر نەمەسە دالەلدەر جوق»، - دەپ كەلتىرەدى «حۋاڭشيۋ شيباۋ» ساراپشىنىڭ ءسوزىن.

قىتايلىق يممۋنولوگ چجۋان شيليحە كوروناۆيرۋستىڭ الەمدەگى ەڭ كۇشتى جانە ۇستەم ءتۇرى «دەلتا شتاممى» دەپ سانايدى. ول بۇعان دەيىن تابىلعان بارلىق شتاممداردى (گامما، بەتا جانە الفا) ىعىستىرىپ جىبەرگەن. وسىعان بايلانىستى، ونىڭ پىكىرىنشە، «جاڭا شتاممنىڭ «دەلتاعا» قاراعاندا كۇشتى بولۋى قيىنىراق».

بەيسەنبى كۇنى شيانگان (گونكونگ) ارنايى اكىمشىلىك اۋدانىندا كوروناۆيرۋستىڭ جاڭا شتاممىن ەكى ادامنىڭ جۇقتىرعانى انىقتالدى.

سەنبىدەن باستاپ سيانگان سار اكىمشىلىگى بوتسۆانا، ەسۆاتيني، لەسوتو، مالاۆي، موزامبيك، ناميبيا جانە زيمبابۆەدەن كەلگەن گونكونگ تۇرعىندارىنا قاتىستى كارانتيندىك شارالاردى كۇشەيتۋدە. سوڭعى ءۇش اپتا ىشىندە جوعارىدا اتالعان ەلدەردە، سونىڭ ىشىندە و ا ر-دا بولعان ازاماتتاردىڭ كىرۋىنە تىيىم سالىندى.

ەسكە سالساق، وڭتۇستىك افريكا رەسپۋبليكاسىندا كوروناۆيرۋستىڭ 1.1.529 اتاۋى بار جاڭا مۋتاتسياسى انىقتالعان ەدى. بۇل نۇسقا بۇرىنعىلارعا قاراعاندا الدەقايدا جۇقپالى جانە ۆاكسينالاردىڭ وعان اسەرى ءتيىمسىز بولۋى ابدەن مۇمكىن ەكەندىگى ايتىلدى.

كوروناۆيرۋستىڭ قاۋىپتى دەلىنگەن جاڭا شتامىنا «وميكرون» دەگەن اتاۋ بەرىلدى.

اۆتور: اقبوپە ءابدراسۋل


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات