بۇگىن مەملەكەتتىك ءانۇراننىڭ(ءماتىنى) اۆتورى جۇمەكەن ناجىمەدەنوۆ تۋعان كۇن
86 جىل بۇرىن (1935-1983) قازاقستان رەسپۋبليكاسى مەملەكەتتىك ءانۇرانىنىڭ (ءماتىنى) اۆتورى، كورنەكتى اقىن، اۋدارماشى، قازاقستان جاستار وداعى سىيلىعىنىڭ يەگەرى جۇمەكەن سابىر ۇلى ناجىمەدەنوۆ دۇنيەگە كەلدى. اتىراۋ وبلىسى قۇرمانعازى اۋدانىندا تۋعان.
قۇرمانعازى اتىنداعى الماتى كونسەرۆاتورياسىنىڭ ۇلت اسپاپتارى فاكۋلتەتىن، م. گوركي اتىنداعى ادەبيەت ينستيتۋتى جانىنداعى جوعارى كۋرستى بىتىرگەن. 1959-1965 -جىلدارى - «جازۋشى» باسپاسىنىڭ كىشى رەداكتورى، 1965-1966 -جىلدارى - رەسپۋبليكالىق «لەنينشىل جاس» گازەتىندە ادەبيەت جانە ونەر ءبولىمىنىڭ مەڭگەرۋشىسى. 1966
-1971 -جىلدارى - قازاقستان جازۋشىلار وداعىندا ادەبي كەڭەسشى. 1974-1978 -جىلدارى - قازاق ك س ر باسپا، پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىنىڭ رەداكتورى، 1978-1983 -جىلدارى «مەكتەپ» باسپاسىندا رەداكتسيا مەڭگەرۋشىسى قىزمەتتەرىن اتقارعان. تۇڭعىش كىتابى «بالاۋسا» دەگەن اتپەن 1961 -جىلى جارىق كوردى.
الپىسىنشى جىلداردان باستاپ ولەڭدەرى مەن شىعارمالارى، ءۇش رومانى، اۋدارما كىتاپتارى «جازۋشى»، «جالىن» باسپالارىنان جارىق كورگەن. «بالاۋسا»، «سىبىزعى سىرى»، «جوق، ۇمىتۋعا بولمايدى»، «كۇي كىتابى»، «مەزگىل اۋەندەرى»، «ۇلىم، ساعان ايتام»، «قىزعالداق جايلى باللادا»، «تەمىرقازىق»، «مەنىڭ توپىراعىم» كىتاپتارى، ءۇش تومدىق شىعارمالار جيناعى، «مەن - تامىرمىن» داستاندارى، «قاسىرەت پەن قايسارلىق»، «جۇمەكەن»، «جاڭعىرىق»، «جارىق پەن جىلۋ»، «ۆەسەننيە ۆەترى»، «مەن تۋعان كۇن»، «جەتى بوياۋ»، «شۋاق»، «اشىق اسپان»، «قىران قيا»، «تەبە گوۆوريۋ، پوتوموك» تولعاۋ، پوەمالارى مەن جىرلارى، «اق شاعىل»، «كىشكەنتاي»، «داڭق پەن داقپىرت» اتتى روماندارىنىڭ اۆتورى.
1967 -جىلى «جوق، ۇمىتۋعا بولمايدى!» اتتى پوەماسى ءۇشىن قازاقستان لەنين كومسومولى سىيلىعىنىڭ لاۋرەاتى اتاندى. اقىن جىرلارى بىرنەشە شەت ەل تىلدەرىنە اۋدارىلعان. جۇمەكەن ناجىمەدەنوۆ ءماتىنىن جازعان «مەنىڭ قازاقستانىم» 2005 -جىلى ءانۇران بولىپ بەكىتىلدى. اقىننىڭ ەسىمى ءوزىنىڭ تۋعان جەرى اتىراۋ وبلىسى قۇرمانعازى اۋدانىنداعى اۋىلعا بەرىلگەن.
49 جىل بۇرىن (1972) قازاقستان رەسپۋبليكاسى ەنەرگەتيكا ۆيتسە-ءمينيسترى اسەت مارات ۇلى ماعاۋوۆ دۇنيەگە كەلدى. اتىراۋ وبلىسىنىڭ قۇلسارى اۋىلىندا تۋعان. ي. م. گۋبكين اتىنداعى ماسكەۋ مۇناي حيمياسى جانە گاز ونەركاسىبى ينستيتۋتىن ءتامامداعان، حالىقارالىق ۆاليۋتا قورىندا جانە ازيا دامۋ بانكىندە تاعىلىمدامادان وتكەن. ەڭبەك جولىن 1994 -جىلى باستاعان. ءارتۇرلى جىلدارى «تەڭىزمۇنايگاز» ا ق، «قازاقويل» جاق، «مۇناي جانە گاز تاسىمالداۋ» ۇ ك» ا ق، «قازمۇنايگاز» ا ق، «تەڭىزشيەۆرويل» ج ش س، «ماڭعىستاۋمۇنايگاز» ا ق جۇمىس ىستەگەن.
2008- 2010 -جىلدارى – ق ر ەنەرگەتيكا جانە مينەرالدى رەسۋرستار ۆيتسە-ءمينيسترى؛ 2010- 2011 -جىلدارى – ق ر مۇناي جانە گاز ۆيتسە- ءمينيسترى. 2017 -جىلعى جەلتوقساننان باستاپ KAZENERGY قاۋىمداستىعىنىڭ باس ديرەكتورى لاۋازىمىن اتقارعان.
قازىرگى قىزمەتىندە - 2019 -جىلدىڭ ساۋىرىنەن.
49 جىل بۇرىن (1972) VIІ شاقىرىلعان ق ر پارلامەنتى ءماجىلىسىنىڭ دەپۋتاتى، اگرارلىق ماسەلەلەر جونىندەگى كوميتەتى مۇشەسى ايقىن ويرات ۇلى قوڭىروۆ دۇنيەگە كەلدى. بۇرىنعى كوكشەتاۋ وبلىسى كۋيبىشيەۆ قالا ۇلگىسىندەگى كەنتىندە تۋعان. كوكشەتاۋ مەملەكەتتىك ۋنيۆەرسيتەتىن، «فەميدا» قاراعاندى زاڭ اكادەمياسىن بىتىرگەن. ەڭبەك جولىن 1989 -جىلى كۋيبىشەۆ اۋداندىق اۋىل شارۋاشىلىعى باسقارماسىنىڭ اۆتوبازاسىندا سلەسار بولىپ باستاعان. 1997
-جىلدان باستاپ كاسىپكەرلىك قىزمەتپەن اينالىسقان. 2004-2011 ج ج. «News Print» ج ش س جەتەكشىسى («موسكوۆسكي كومسومولەتس ۆ كازاحستانە» گازەتىن شىعارۋ). 2005-2006 ج ج. - الماتى قالالىق كوميتەتىنىڭ ەكىنشى حاتشىسى. پارتيانى تىركەگەن مەزگىلدەن باستاپ قازىرگى ۋاقىتقا دەيىن ق ك ح پ ورتالىق كوميتەتى اپپاراتىنىڭ جەتەكشىسى. 2007 ج. – ق ك ح پ ورتالىق كوميتەتى بيۋروسىنىڭ مۇشەسى.
2004 جانە 2007 ج ج. – ق ر پارلامەنتى ءماجىلىسى دەپۋتاتتارىنىڭ سايلاۋىنا ق ك ح پ اتىنان دەپۋتاتتىققا كانديدات بولىپ قاتىستى. 2007 جانە 2011 ج ج. ق ك ح پ رەسپۋبليكالىق سايلاۋالدى شتابى جەتەكشىسىنىڭ ورىنباسارى. 2012 -جىلعى قاڭتار ايىنان باستاپ - بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. اگرارلىق ماسەلەلەر كوميتەتىنىڭ مۇشەسى. 2016-2021 ج ج. - VI شاقىرىلعان ق ر پارلامەنتى ءماجىلىسىنىڭ دەپۋتاتى، اگرارلىق ماسەلەلەر جونىندەگى كوميتەتى مۇشەسى. قازىرگى قىزمەتىن 2021 -جىلدىڭ قاڭتار ايىنان بەرى اتقارىپ كەلەدى.
47 جىل بۇرىن (1974) «بايتەرەك» ۇلتتىق باسقارۋشى حولدينگى» ا ق ءتوراعاسى ايدار ءابدىرازاق ۇلى ءارىپحانوۆ دۇنيەگە كەلگەن. الماتى قالاسىندا تۋعان. قازاق مەملەكەتتىك باسقارۋ اكادەمياسىن، ەكونوميست (1995)؛ قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيا اكادەمياسىن (1998-2000)؛ كولۋمبيا ۋنيۆەرسيتەتىنىڭ ماگيستراتۋراسىن (2008) بىتىرگەن. ەڭبەك جولى: ق ر قارجى مينيسترلىگىنىڭ سىرتقى قارىز الۋ كوميتەتىنىڭ باعدارلامالىق جانە الەۋمەتتىك قارىزدار ءبولىمىنىڭ باس مامانى (1997-1998)؛ مەملەكەتتىك سىرتقى قارىز الۋ جانە مەملەكەتتىك كەپىلدەر باسقارماسىنىڭ باعدارلامالىق جانە الەۋمەتتىك قارىزدار، قارىزداردى جۇزەگە اسىرۋ بولىمدەرىنىڭ جەتەكشىسى، ۇكىمەتتىك قارىزدار جانە مەملەكەتتىك كەپىلدەر باسقارماسىنىڭ جەتەكشىسى، قارجى مينيسترلىگىنىڭ مەملەكەتتىك قارىز جانە كرەديتتەۋ دەپارتامەنتى ديرەكتورىنىڭ ورىنباسارى (1998-2004)؛ ق ر قارجى ۆيتسە- ءمينيسترى (2004-2006)؛ ق ر پرەمەر- ءمينيسترى كەڭسەسى باسشىسىنىڭ ورىنباسارى (02.2006-11.2006)؛ ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى (2006-2007)؛ ق ر پرەمەر- ءمينيسترىنىڭ كەڭەسشىسى (01.2009-03.2009)؛ ق ر اقپاراتتاندىرۋ جانە بايلانىس اگەنتتىگى ءتوراعاسىنىڭ ورىنباسارى (2009-2010)؛ «قازاقتەلەكوم» ا ق باسقارۋشى ديرەكتورى (2010-2011)؛ «قازاتومونەركاسىپ» ۇلتتىق اكسيونەرلىك كومپانياسى» ا ق باسقارما ءتوراعاسىنىڭ ورىنباسارى (2011-2015)؛ قازاتومونەركاسىپ» ۇلتتىق اكسيونەرلىك كومپانياسى» ا ق باسقارما ءتوراعاسىنىڭ ۋاقىتشا مىندەتىن اتقارۋشى (03.2015-11.2015)؛ ق ر ۇلتتىق ەكونوميكا ۆيتسە- ءمينيسترى (2015-2017)؛ «بايتەرەك» ۇلتتىق باسقارۋشى حولدينگى» ا ق ءتوراعاسىنىڭ ورىنباسارى (01.2017-12.2017). قازىرگى لاۋازىمىن 2017 -جىلعى جەلتوقساننان بەرى اتقارىپ كەلەدى.