USD 433.3 EUR 464.19
RUB 6.48 CNY 64.56
جاڭالىقتار

ەلباسى «استانا وپەرا» تەاترىندا ماريا مۋدرياكتىڭ كونسەرتىن تاماشالادى

27 قاراشا 22:11
:ءبولىسۋ
ەلباسى «استانا وپەرا» تەاترىندا ماريا مۋدرياكتىڭ كونسەرتىن تاماشالادى

نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ «استانا وپەرا» تەاترىندا وپەرا ءانشىسى ماريا مۋدرياكتىڭ «سەن ءۇشىن، مەنىڭ قازاقستانىم!» اتتى جەكە كونسەرتىن تاماشالادى، دەپ حابارلايدى قازاقپارات ەلباسى سايتىنا سىلتەمە جاساپ.

م. مۋدرياك «بولاشاق» باعدارلاماسى بويىنشا ميلاندا جوعارى مۋزىكا اكادەمياسىندا ءبىلىم العان. كەيىن ج. ۆەردي اتىنداعى مەملەكەتتىك كونسەرۆاتوريانى ءساتتى ءتامامدادى. كوپتەگەن حالىقارالىق كونكۋرستاردىڭ لاۋرەاتى.

بۇگىندە م. مۋدرياك اتاعى ايگىلى تەاترلاردىڭ ساحنالارىندا ونەر كورسەتىپ كەلەدى جانە كورەرمەن سۇرانىسىنا يە وپەرا انشىلەرىنىڭ ءبىرى.


بۇگىنگى كونسەرت ق ر تۇڭعىش پرەزيدەنتى كۇنى جانە ەل تاۋەلسىزدىگىنىڭ 30 جىلدىعىنا ارنالدى.

مەرەكەلىك باعدارلاماعا، سونداي-اق باريتون ۆلاديمير ستويانوۆ (بولگاريا) جانە «استانا وپەرا» تەاترىنىڭ سيمفونيالىق وركەسترى قاتىستى. ديريجەر - الۆيزە كازەللاتي (يتاليا).

كونسەرت سوڭىندا ن. نازاربايەۆ م. مۋدرياكپەن اڭگىمەلەستى. وپەرا ءانشىسى ەلباسىمەن الداعى شىعارماشىلىق جوسپارلارىمەن ءبولىستى.

اتاپ ايتساق، م. مۋدرياك قازاقستاندا تاعى بىرنەشە كونتسەرت بەرۋدى جوسپارلاپ وتىر، سونداي-اق ەكسپو دۇنيەجۇزىلىك كورمەسى اياسىندا ب ا ءا- دە ونەر كورسەتپەك.

ق ر تۇڭعىش پرەزيدەنتى وپەرا ءانشىسىنىڭ جوعارى كاسىبي شەبەرلىگىن اتاپ ءوتىپ، وعان شىعارماشىلىعىنا ودان ارعى تابىس تىلەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات