USD 434.34 EUR 491.93
RUB 5.56 CNY 68.67
جاڭالىقتار

الماتىداعى تاۋەلسىزدىك جاريالانعان عيمارات قازىر قانداي كۇيدە - فوتو

27 قاراشا 18:01
:ءبولىسۋ
الماتىداعى تاۋەلسىزدىك جاريالانعان عيمارات قازىر قانداي كۇيدە - فوتو

الماتى. قازاقپارات - الماتىداعى تاۋەلسىزدىك جاريالانعان عيمارات بۇگىندە تاريحي نىسانعا اينالدى. ءدال وسى عيماراتتا 1991 -جىلى 16-جەلتوقساندا ەلباسى نۇرسۇلتان نازاربايەۆ «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭعا قول قويدى، دەپ حابارلايدى قازاقپارات ءتىلشىسى.

تاريحي عيمارات الماتىنىڭ ورتالىعىندا ورنالاسقان - عيماراتتىڭ نەگىزگى قاسبەتى ەسكى الاڭ دەپ اتالاتىن «استانا» الاڭىنا قارايدى.

قازاق ك س ر ۇكىمەت ۇيىنە ارنالعان عيماراتتىڭ قۇرىلىسى 1938 -جىلى باستالعان-تىن. سوعىس جىلدارىندا توقتاپ قالعان قۇرىلىس 1957 -جىلى اياقتالدى، ال 1972 -جىلى وعان قوسالقى ەكى عيمارات سالىندى. 1980 -جىلعا دەيىن، بۇل عيماراتتا جوعارعى كەڭەس، مينيسترلەر كەڭەسى جانە قازاق ك س ر كومپارتياسى ورتالىق كوميتەتى وتىردى.

تاۋەلسىزدىك العاننان كەيىن الماتى وبلىسىنىڭ اكىمدىگى وسىندا ورنالاستى. 2001 -جىلدان باستاپ قازىرگى ۋاقىتقا دەيىن - قازاقستان-بريتان تەحنيكالىق ۋنيۆەرسيتەتى (ق ب ت ۋ). 2016 -جىلى ق ب ت ۋ (جوعارعى كەڭەس) عيماراتىنىڭ قاسبەتىندە ق ر مەملەكەتتىك تاۋەلسىزدىگى تۋرالى» كونستيتۋتسيالىق زاڭنىڭ قابىلدانعانى تۋرالى مەموريالدىق تاقتا اشىلدى.


2018 -جىلى عيماراتتىڭ ورتالىق زالىندا دەمەۋشىلىك قاراجاتپەن جوندەۋ جۇمىستارى جۇرگىزىلدى.

بارلىق ەرەجەلەر قاتاڭ ساقتالدى، ويتكەنى عيمارات تاريحي ەسكەرتكىش رەتىندە مەملەكەت قورعاۋىندا. قازىر بۇل بولمە ءماجىلىس زالى ەمەس - بۇل ۋنيۆەرسيتەتتىڭ قاجەتتىلىكتەرىنە، ونىڭ ىشىندە ستۋدەنتتىك ءىس-شارالارعا ارنالعان بولمە. ق ب ت ۋ- دىڭ دوڭگەلەك زالىنىڭ توبەسىندەگى كۇمبەزگە كۇن باتارەيالارى ورناتىلدى - بۇل زالدى جارىقتاندىرۋ قاجەتتىلىگىن «جابۋعا» مۇمكىندىك بەردى. زالدىڭ ەكىنشى قاباتىندا بىرنەشە ەسكى ورىندىقتار ءوز پىشىنىندە ساقتالعان. جوعارعى كەڭەستىڭ دەپۋتاتتارى وتىرىستارعا قازىبەك بي كوشەسىنەن كىرگەن. قازىر مۇندا، تۇلەكتەر اللەياسى بار.

عيماراتتىڭ دالىزدەرىندە كەڭەستىك دەكور ەلەمەنتتەرى، ەسكى شامدار، تەرەزەلەر سول قالپىندا ساقتالعان. مۇندا كوممۋنيستىك پارتيا ورتالىق كوميتەتىنىڭ ءبىرىنشى حاتشىسىنىڭ دا كابينەتى بولدى. قازىر ول اۋديتوريادا سول كەزدىڭ كارتاسى ساقتالعان. تەرەزەلەردەن ادەمى ساياباقتى كورۋگە بولادى. اسحانا بۇرىنعىداي قالدى. ونىڭ تەك ىشكى كورىنىسى وزگەرتىلگەن. سونداي-اق، ءدال وسى عيماراتتا استانانى اۋىستىرۋ تۋرالى شەشىم قابىلداندى.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات