ۇلتتىق ستاتيستيكا بيۋروسى ءار قازاقستاندىق جىلىنا قانشا كەلى ەت جەيتىنىن ەسەپتەدى

None
None
نۇر-سۇلتان. قازاقپارات - 2020 -جىلى ورتاشا جان باسىنا شاققاندا ءبىر جىلدىڭ ىشىندە 23 كەلى سيىر ەتى جەلىنگەن.

مۇنداي دەرەكتى ۇلتتىق ستاتيستيكا بيۋروسى ۇسىندى، دەپ حابارلايدى قازاقپارات ءتىلشىسى. «2020 -جىلى ءۇي شارۋاشىلىقتارىنىڭ تۇتىنۋ شىعىستارىنداعى ەڭ ۇلكەن ۇلەس الدىڭعى جىلدارداعىداي ەت جانە ەت ونىمدەرىن ساتىپ الۋعا (%19,2) كەلەدى. سيىر ەتى كوپ سۇرانىسقا يە، ورتاشا جان باسىنا شاققاندا جىلىنا 23,072 كەلى سيىر ەتى جەلىنەدى. قوي ەتىن تۇتىنۋ ءبىر ادامعا ورتا ەسەپپەن جىلىنا 6,100، جىلقى ەتى - 5,972، تاۋىق ەتى - 4,624، شوشقا ەتى - 3,356 كەلى مولشەرىندە بايقالدى»، - دەپ اتاپ وتەدى ۆەدومستۆودان.

ۆەدومستۆو مالىمەتىنشە، 2020 -جىلى ورتاشا ەسەپپەن جان باسىنا شاققاندا ەت پەن ەت ونىمدەرىن تۇتىنۋ 7 كەلىنى قۇرادى. 2000 -جىلمەن سالىستىرعاندا ەت پەن ەت ونىمدەرىن تۇتىنۋ ەكى ەسەگە جۋىق ءوستى. سونداي-اق، جەمىستەردى تۇتىنۋ - 5 ەسە، بالىق - 3 ەسە، جۇمىرتقا - 2 ەسە جانە ءتاتتى ونىمدەر توپتارى (قانت، دجەم، بال، شوكولاد، كونديتەرلىك ونىمدەر) 2 ەسە ارتتى.

«2020 -جىلى حالىق تۇتىنعان تاعام ونىمدەرىنىڭ ەنەرگەتيكالىق قۇندىلىعى كۇنىنە ورتاشا جان باسىنا شاققاندا 3425 ككالدى قۇرادى. اۋىلدىق جەرلەردە تۇرعىنداردىڭ تاماقتانۋى (3437 ككال) قالاعا قاراعاندا (3417 ككال) كالوريالىعى بويىنشا ايتارلىقتاي جوعارى ەمەس ەكەنىن اتاپ وتۋگە بولادى. تۇتىنىلاتىن تاعام ونىمدەرىنىڭ حيميالىق قۇرامىندا ەڭ كوپ ۇلەس كومىرسۋلارعا كەلەدى - 51,9 پايىز، ال اقۋىزداردىڭ ۇلەسى 12,6, مايلار - 35,5 پايىز»، - دەدى ۇلتتىق ستاتيتيكا بيۋروسىنان.

سوڭعى جاڭالىقتار