يندۋستريا مينيسترلىگى شۇباركول كومىرىنىڭ قىرعىزستانعا ەكسپورتى تۋرالى تۇسىنىك بەردى
26 قاراشا 20:14

يندۋستريا مينيسترلىگى شۇباركول كومىرىنىڭ قىرعىزستانعا ەكسپورتى تۋرالى تۇسىنىك بەردى

نۇر-سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى شۇباركول كومىرىنىڭ قىرعىزستانعا ەكسپورتى تۋرالى تۇسىنىك بەردى، دەپ حابارلايدى قازاقپارات ءتىلشىسى.

«شۇباركول كومىر» ا ق جىلدىق كەلىسىمشارت نەگىزىندە قىرعىزستان كاسىپورىندارىنا كومىر جەتكىزەدى.

«اعىمداعى جىلدىڭ اقپان-ناۋرىز ايلارىندا بىشكەك ج ە و- نا 80 مىڭ توننا كومىر جەتكىزىلدى، ال «التىن كورپوراتسيا» جانە «گەفەست» كومپانيالارىنا 190 مىڭ توننا كولەمىندە كومىر جونەلتىلدى. وتكەن جىلدىڭ 10 ايىندا قىرعىزستانعا 404 مىڭ توننا كومىر جەتكىزىلدى. بيىل وتاندىق نارىقتاعى كومىرگە دەگەن سۇرانىستىڭ ارتۋىنا بايلانىستى قىرعىزستان باعىتىنداعى كولەم قىسقارىپ، 270 مىڭ توننانى قۇرادى، ياعني 134 مىڭ تونناعا از جەتكىزىلدى. «شۇباكول كومىر» ا ق- نىڭ اقپاراتى بويىنشا، ءبىرىنشى كەزەكتە كومىرمەن قازاقستاندىق نارىق قامتاماسىز ەتىلەدى»، - دەلىنگەن مينيسترلىك باسپا ءسوز قىزمەتىنىڭ مالىمەتىندە.

وسى ورايدا قىرعىزستان باعىتىندا كومپانيا ارتىق قالعان كومىردى جەتكىزۋ بويىنشا عانا جۇمىس ىستەيدى.

«بۇدان بولەك، بيىل قىرعىزستانعا جوسپارلانعان كولەمنىڭ جارتىسى ەكسپورتتالدى. وسىنداي ۇلگى بويىنشا كومپانيا كەلەسى جىلى دا جۇمىس ىستەيتىن بولادى. ب ا ق- دا كوتەرىلگەن كەلىسىم تۋرالى ايتاتىن بولساق، مۇنداي كەلىسىم جىل سايىن جاسالادى. اتالمىش كەلىسىم 2021-جىلدىڭ مامىر ايىندا ۇزارتىلعانىن حابارلايمىز. وسى جىلى كەلىسىمدە كوزدەلگەن كولەمنىڭ ۇلعايۋى كۇتىلمەيدى»، - دەپ اتالىپ وتكەن ۆەدومستۆو اقپاراتىندا.

ايتا كەتەيىك، بۇقارالىق اقپارات قۇرالدارىندا قازاقستاننان قىرعىزستان باعىتىندا «شۇباركول» كومىرىن جەتكىزۋ كولەمى ۇلعايتىلاتىنى تۋرالى حابارلانعان ەدى.

جاڭالىقتار