USD 434.34 EUR 491.93
RUB 5.56 CNY 68.67
جاڭالىقتار

قاسىم-جومارت توقايەۆ ءبىرقاتار ەۋروپالىق كومپانيالاردىڭ جەتەكشىلەرىمەن كەزدەستى

26 قاراشا 18:54
:ءبولىسۋ
قاسىم-جومارت توقايەۆ ءبىرقاتار ەۋروپالىق كومپانيالاردىڭ جەتەكشىلەرىمەن كەزدەستى

نۇر-سۇلتان. قازاقپارات - مەملەكەت باسشىسى بريۋسسەلدە ەۋروپالىق بيزنەس وكىلدەرىمەن، اتاپ ايتقاندا بەلگيالىق «Joh Cockerill» كومپانياسىنىڭ باسقارما ءتوراعاسى جان- ليۋك مورانجبەن جانە نەمىستىڭ «Svevind Group» كومپانيالار توبىنىڭ پرەزيدەنتى ۆولفگانگ كروپپەن كەزدەستى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى قاسىم-جومارت توقايەۆ جان-ليۋك مورانجبەن قازاقستانداعى تەمىرجول لوكوموتيۆتەرى مەن جاڭارتىلاتىن قۋات كوزدەرىن جاڭعىرتۋعا باعىتتالعان ينۆەستيتسيالىق جوبالاردى ىسكە اسىرۋ پەرسپەكتيۆالارىن تالقىلادى.

ۆولفگانگ كروپپەن كەزدەسۋدە ماڭعىستاۋ وبلىسىندا «جاسىل» سۋتەگى ءوندىرىسى سالاسىنداعى Hyrasia One ينۆەستيتسيالىق جوباسىن جۇزەگە اسىرۋ ماسەلەسى ءسوز بولدى. قاسىم- جومارت توقايەۆ بۇعان دەيىن قولعا الىنعان ينۆەستيتسيالىق جوبالاردىڭ قارقىندى جۇزەگە اسىرىلىپ جاتقانىنا جوعارى باعا بەرىپ، ولاردىڭ قازاقستان ءۇشىن اسا ماڭىزدى ەكەنىن اتاپ ءوتتى.

مەملەكەت باسشىسى ەلىمىزدە جۇمىس ىستەيتىن كومپانيالاردىڭ جوبالارىنىڭ جۇزەگە اسىرىلۋ بارىسىن ءوز باقىلاۋىنا الاتىنىن ايتتى.


بۇل رەتتە بارلىق ەكولوگيالىق نورماتيۆتەر مەن نۇسقاۋلاردىڭ ساقتالۋى قاجەت ەكەنىن جەتكىزدى. كەزدەسۋ سوڭىندا مەملەكەت باسشىسىنىڭ قاتىسۋىمەن قازاقستان ۇكىمەتى مەن «Svevind Group» كومپانيالار توبىنىڭ اراسىندا جوبالاردى ىسكە اسىرۋدىڭ نەگىزگى قاعيداتتارى تۋرالى شەكتى كەلىسىمگە قول قويۋ ءراسىمى ءوتتى.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات