قازاقستاندىق قىز ت م د ەلدەرىندە ەڭ تانىمال بلوگەر اتاندى
بۇل تۋرالى Tengrinews.kz حابارلايدى.
حوما جاقىندا 27,5 ميلليون جازىلۋشى جيناپ، ت م د ەلدەرىندەگى تيكتوكەرلەر اراسىندا ءبىرىنشى ورىنعا شىقتى. بۇل رەتتە كاسكادەر كيريلل كولەسنيكوۆ ابسوليۋتتى كوشباسشى بولىپ قالدى. ءبىراق بۇگىندە حومياك ونى باسىپ وزىپ، 34,8 ميلليونعا جۋىق وقىرمان جينادى.
قازىر حومياك الەمدەگى ەڭ تانىمال قازاقستاندىق TikTok-Yolo House ءۇيىنىڭ فلاگمانى بولىپ تابىلادى. كوماندانىڭ جۇمىس ىستەپ جاتقانىنا ءبىر جىلدان استام ۋاقىت بولدى. وسى ۋاقىت ىشىندە ەرەكشە اتموسفەرا مەن ءتارتىپ قالىپتاسىپ ۇلگەردى، شىعارماشىلىق پروتسەستە اركىم وزىنە ۇنايتىن نارسەمەن اينالىسادى.
حوما ليپسينگتى (فونوگراممامەن ءان ايتۋدى)، سونىمەن قاتار ءارتۇرلى كەيىپكەرلەردى سومداۋدى جاقسى كورەدى.
الينا كوماندا الدىندا ەرەكشە جاۋاپكەرشىلىكتى سەزىنەتىنىن جانە العا جىلجىتۋعا بار كۇشىن سالاتىنىن ايتادى.
«ولار مەنىڭ ەكىنشى وتباسىم، مەنىڭ بارلىق باستامالارىم مەن ناتيجەلەرىمدى قولدايدى»، - دەپ ءبولىستى بويجەتكەن.
حوما كۇزدە Comedy Club ءازىل-سىقاق شوۋىنىڭ قوناعى بولدى. ءتۇسىرىلىم كەزىندە پاۆەل ۆوليا جانە گاريك حارلاموۆپەن ترەند ۆيدەو ءتۇسىردى. قازىرگى ۋاقىتتا ول ۆيدەو 60 ميلليونعا قارالىم، 6,2 ميلليون لايك جينادى.