بەس جاسار بالا تەرەزەدەن قۇلاپ كەتە جازدادى
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا 25-قاراشا كۇنى ابۋباكىر كەردەرى كوشەسى، 125-مەكەنجايىندا بولدى. شامامەن ساعات 13.00-دە 102 تەلەفونىنا ءتورتىنشى قاباتتا اشىق تۇرعان تەرەزەنىڭ جاقتاۋىندا بالانىڭ تۇرعانى جونىندە حابار تۇسكەن.
سول بويدا وسى ماڭدا جۇرگەن پاترۋلدىك پوليتسيا باتالونىنىڭ ەكيپاجى مەن ۋچاسكەلىك ينسپەكتور جىبەرىلدى. پوليتسەيلەر بالانى شوشىتىپ الماس ءۇشىن جايلاپ ەسىك ارقىلى سويلەسكەن. سوسىن بالانىڭ تەرەزەدەن ءتۇسىپ، ەسىكتى اشۋىنا قول جەتكىزگەن. پاتەردە ودان باسقا ەشكىم بولماعان. قاۋىپ سەيىلگەننەن كەيىن پوليتسيا قىزمەتكەرلەرى بالانىڭ اناسىن ىزدەپ تاپتى. 23 جاستاعى اناسىنىڭ سوزىنە قاراعاندا، بالا تۇسكە دەيىن مەكتەپكە دەيىنگى مەكەمەگە بارادى، ءوزى جۇمىستا بولعان سوڭ ءتۇسقايتا ۇيدە جالعىز قالادى ەكەن. ايەلمەن تۇسىنىك جۇمىستارى جۇرگىزىلدى.