14:34, 26 - قاراشا 2021 | GMT +6
قاراعاندىدا تۇنگى كلۋبتا قىزدار توبەلەستى
قاراعاندى. قازاقپارات - قاراعاندىدا تۇنگى كلۋبتا قىزدار توبەلەستى.
بۇل تۋرالى Polisia.kz سايتىندا ءمالىم ەتىلدى، دەپ حابارلايدى قازاقپارات.
قاراعاندى قالاسىنىڭ پوليتسيا باسقارماسىنىڭ ورتالىق پوليتسيا بولىمىنە تۇنگى ساعات 01.30-دا كلۋبتاردىڭ بىرىندە كليەنتتەر اراسىندا جانجال تۋىنداعانى تۋرالى حابارلاما تۇسكەن.
بىرەر مينۋتتان كەيىن وقيعا ورنىنا قاراعاندى قالاسىنىڭ پ ب پاترۋلدىك پوليتسيا پولكىنىڭ قىزمەتكەرلەرى جەتكەن. ءمان-جايدى انىقتاي كەلە، 20 جاستاعى بويجەتكەن مەن ايەلدىڭ اراسىندا جانجال تۋىنداپ، بويجەتكەننىڭ جاراقات العانى بەلگىلى بولدى.
«جەدەل- ىزدەستىرۋ ءىس- شارالارىنىڭ بارىسىندا پوليتسەيلەر كۇدىكتى جەزقازعان قالاسىنىڭ 25 جاستاعى تۇرعىنىن انىقتاپ، ۇستادى. ق ر قىلمىستىق كودەكسىنىڭ 293-بابى (بۇزاقىلىق) بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلۋدە»، - دەلىنگەن مالىمەتتە.