تەننيس: قازاقستاندىقتار ازيا كوماندالىق بىرىنشىلىگىنىڭ فينالىنا شىقتى

None
None
نۇر- سۇلتان. قازاقپارات - قازاقستان ۇلدار مەن قىزدار قۇراماسى «داۋلەت» تەننيس ورتالىعىندا 12 جاسقا دەيىنگىلەر اراسىندا ءوتىپ جاتقان ازيا كوماندالىق بىرىنشىلىگىنىڭ (ITF Asian 12Under Team Championships 2021) فينالىنا شىقتى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، ەلىمىزدىڭ قوس قۇراماسى العاش رەت فينالعا قاتار شىعىپ وتىر. سوڭعى ءۇش جىلدا قازاقستاندىق ۇلدار قولا جۇلدەنى قاناعات تۇتقان ەدى. بۇل جولى وزبەكستانمەن وتكەن جارتىلاي فينالدىق ماتچتا قازاقستاندىقتار جەڭىسكە دەگەن جىگەرلەرىن تانىتا ءبىلدى. كومانداعا العاشقى ۇپايدى روديون ترايگەل سالدى. ول ءۇش سەتكە سوزىلعان باسەكەدە الان ءزيناتۋليندى ۇتتى - 6:1, 1:6, 6:1.

نۇر- سۇلتان ۇلتتىق تەننيس ورتالىعىنىڭ تۇلەگى ياروسلاۆ پشەنيچنىيدىڭ اكمال ابدۋللايەۆپەن كەزدەسۋى دە تارتىستى ءوتتى. ءبىرىنشى پارتيادا برەيك جاساعان ياروسلاۆ سول باسىمدىلىعىنان ايىرىلعان جوق. ول ەكىنشى سەتتە دە ەسەپ 6:5 بولعان مەزەتتە شەشۋشى برەيكتى جاساي ءبىلدى - 7:5.

جۇپتىق ماتچ ەشقانداي ءرول ويناماعاندىقتان، قازاقستاندىقتار كۇشتەرىن ساقتاۋ ءۇشىن كورتقا شىققان جوق. قازاقستاندىق ۇلدار فينالدا پاكستان قۇراماسىمەن باس جۇلدەنى ساراپقا سالادى. ولاردى توپتىق باسەكەدە 2:1 ەسەبىمەن ۇتقان بولاتىن. قازاقستاندىق قىزدار ءوز تاريحىندا ەكىنشى رەت ازيا كوماندالىق بىرىنشىلىگىنىڭ فينالىنا شىقتى.


جارتىلاي فينالدا قىزدار وزبەكستان قۇراماسىنان 3:0 ەسەبىمەن باسىم ءتۇستى. ەۆەلينا بالاگانسكايا كيرا كيمدى 6:1, 6:3 ەسەبىمەن جەڭسە، ەۆا كورىشيەۆا ەميليا كيمدى قاپى قالدىردى - 6:1, 6:0. جۇپتىق سىندا دا ولار قارسىلاس شىداتقان جوق. فينالدا قازاقستاندىق قىزدار ۇندىستانمەن سىنعا تۇسەدى. توپتىق باسەكەدە ولاردى 2:1 ەسەبىمەن جەڭگەن بولاتىن. قىزدار 2019 -جىلعى چەمپيوندىق اتاعىن قورعايتىن بولادى.

ەسكە سالا كەتەيىك، بۇدان بۇرىن ازيا بىرىنشىلىگىنىڭ جارتىلاي فينالىندا قازاقستان مەن وزبەكستان سىنعا تۇسەتىنىن، اننا دانيلينانىڭ دۋبايداعى ءتۋرنيردىڭ جارتىلاي فينالىنا فينالىنا وتكەنىن جازعان بولاتىنبىز.

سوڭعى جاڭالىقتار