09:20, 26 - قاراشا 2021 | GMT +6
رەسەي شاحتاسىنداعى جارىلىس: امان قالعان ەشكىم جوق
ماسكەۋ.قازاقپارات - رەسەيدەگى «ليستۆياجنايا» شاحتاسىنداعى جارىلىستان امان قالعاندار جوق. وندىرىستىك اپات سالدارىنان قازا بولعانداردىڭ جالپى سانى التى تاۋ- كەن قۇتقارۋشىسىن قوسا العاندا، 52 ادامدى قۇرادى.
بۇل تۋرالى قازاقپارات ت ا س س اقپارات اگەنتتىگىنە سىلتەمە جاساپ حابارلايدى.
«الدىن الا مالىمەتكە سايكەس، شاحتادا ەشكىم امان قالعان جوق. 52 ادام، سونىڭ ىشىندە التى تاۋ- كەن قۇتقارۋشىسى قازا بولدى»، - دەلىنگەن اگەنتتىك حابارلاماسىندا.
قازا بولعانداردىڭ كوبىنىڭ دەنەسى شاحتادا جاتىر. ەسكە سالا كەتسەك، بۇعان دەيىن رەسيدە شاحتاداعى جارىلىستان قازا بولعان 11 ادامنىڭ دەنەسى انىقتالعانى تۋرالى حابارلانعان بولاتىنبىز.