+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

مەملەكەت باسشىسى ەۋروپالىق كەڭەس پرەزيدەنتى شارل ميشەلمەن كەلىسسوز جۇرگىزدى

26 قاراشا 08:02
:ءبولىسۋ
مەملەكەت باسشىسى ەۋروپالىق كەڭەس پرەزيدەنتى شارل ميشەلمەن كەلىسسوز جۇرگىزدى

بريۋسسەل. قازاقپارات – ق ر پرەزيدەنتى قاسىم- جومارت توقايەۆ ەۋروپالىق كەڭەس پرەزيدەنتى شارل ميشەلمەن كەلىسسوز جۇرگىزدى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆ پەن شارل ميشەل كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمنىڭ ءتيىمدى جۇزەگە اسىرىلۋىنا باسا ءمان بەرە وتىرىپ، قازاقستان مەن ەۋرووداق اراسىنداعى ستراتەگيالىق سەرىكتەستىكتىڭ قازىرگى جاعدايى مەن پەرسپەكتيۆالارىن جان- جاقتى تالقىلادى.

كەزدەسۋ بارىسىندا ساياسي، ساۋدا- ەكونوميكالىق، ينۆەستيتسيالىق سالالار بويىنشا ىقپالداستىقتى كەڭەيتۋگە ەرەكشە نازار اۋدارىلدى. سونىمەن قاتار كوروناۆيرۋس پاندەمياسىنا قارسى كۇرەسكە، ونىڭ ىشىندە ۆاكسينالاردى جانە ۆاكسيناتسيا پاسپورتتارىن ءوزارا مويىنداۋعا قاتىستى وزەكتى ماسەلەلەر ءسوز بولدى. بۇدان بولەك تاراپتار حالىقارالىق جانە ءوڭىرارالىق كۇن ءتارتىبىن، ونىڭ ىشىندە اۋعانستانداعى جاعدايدى جانە وسى ەلگە گۋمانيتارلىق كومەك كورسەتۋ ءۇشىن كۇش جۇمىلدىرۋ ماسەلەسىن تالقىلادى.

قاسىم- جومارت توقايەۆ شارل ميشەلدىڭ ەۋروپالىق كەڭەس پرەزيدەنتى لاۋازىمىنداعى كوشباسشىلىعىن جوعارى باعالاپ، قازاقستانمەن ىنتىماقتاستىققا باعىتتالعان اشىق ءارى كونسترۋكتيۆتى ۇستانىمىنا ريزاشىلىق ءبىلدىردى. مەملەكەت باسشىسى سوڭعى 30 جىلدا قازاقستان مەن ەۋرووداق اراسىندا ءوزارا سەنىمگە، قۇرمەتكە جانە ورتاق باسىمدىقتارعا نەگىزدەلگەن بەرىك قاتىناس ورناعانىن اتاپ ءوتتى. تاراپتار 29 باعىت بويىنشا ىقپالداستىقتىڭ قۇقىقتىق نەگىزىن قالىپتاستىراتىن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمدى تولىق ىسكە اسىرۋدىڭ ماڭىزدىلىعىن اتاپ ءوتتى.

ەۋرووداقتىڭ ورتالىق ازيا بويىنشا جاڭا ستراتەگياسىنىڭ، سونداي- اق ەۋرووداق - ورتالىق ازيا باعىتىنداعى بەلسەندى ديالوگتىڭ ءتيىمدى جۇزەگە اسىرىلۋ بارىسىنا وڭ باعا بەرىلدى. قاسىم- جومارت توقايەۆ ساۋدا- ەكونوميكالىق جانە ينۆەستيتسيالىق بايلانىستاردىڭ قارقىندى دامىپ كەلە جاتقانىن ايتتى.

مەملەكەت باسشىسىنىڭ ايتۋىنشا، ەۋرووداق - قازاقستان ەكونوميكاسىنا جالپى 160 ميلليارد ا ق ش دوللارى كولەمىندە ينۆەستيتسيا قۇيعان ەڭ ءىرى ينۆەستور. ال قازاقستان - ەۋرووداقتىڭ ورتالىق ازيا ايماعىنداعى ەڭ ءىرى ساۋدا سەرىكتەسى. ءوزارا ساۋدا اينالىمى 24 ميلليارد دوللارعا جەتكەن.


كەزدەسۋدە مەملەكەت باسشىسى ورتالىق ازياداعى سۋ رەسۋرستارى ماسەلەسىنە توقتالىپ، ايماقتاعى مەملەكەتتەردىڭ گيدروەنەرگەتيكا، يرريگاتسيا جانە قورشاعان ورتانى قورعاۋ سالاسىنداعى ماڭىزدى مۇددەلەرىن تەڭەستىرۋگە باعىتتالعان حالىقارالىق سۋ- ەنەرگەتيكالىق كونسورتسيۋم قۇرۋ قاجەت ەكەنىن اتاپ ءوتتى. وسىعان بايلانىستى پرەزيدەنت ەۋروپالىق سەرىكتەستەردى قازاقستاننىڭ باستاماسىن جۇزەگە اسىرۋعا ۇلەس قوسۋعا شاقىردى. سونىمەن قاتار قازاقستان پرەزيدەنتى ەۋرووداق جۇزەگە اسىرىپ جاتقان ەۋروپالىق «جاسىل كەلىسىم» اتاۋىمەن بەلگىلى جاڭا ەكولوگيالىق دامۋ مودەلىنە توقتالدى.

وسى رەتتە قاسىم- جومارت توقايەۆ سەنىمدى ءارى تۇراقتى تۇردە شيكىزاتقا قولجەتىمدىلىكتى، سونداي- اق ەلىمىزدىڭ اككۋمۋلياتورلىق قۇن تىزبەگىنە بىرىگۋىن قامتاماسىز ەتۋ ارقىلى ەۋروپالىق شيكىزات اليانسىمەن جانە ەۋروپالىق اككۋمۋلياتورلىق اليانسپەن اراداعى سەرىكتەستىكتى جولعا قويۋعا دايىن ەكەنىن جەتكىزدى. كەزدەسۋ سوڭىندا مەملەكەت باسشىسى شارل ميشەلدى قازاقستانعا ساپارمەن كەلۋگە شاقىردى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات