+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قاسىم- جومارت توقايەۆ بەلگيا كورولى فيليپپەن كەزدەستى

26 قاراشا 07:31
:ءبولىسۋ
قاسىم- جومارت توقايەۆ بەلگيا كورولى فيليپپەن كەزدەستى

بريۋسسەل. قازاقپارات - قازاقستان پرەزيدەنتى قاسىم- جومارت توقايەۆتىڭ بەلگياعا رەسمي ساپارى وسى ەلدىڭ كورولى فيليپپەن كەزدەسۋدەن باستالدى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى پاندەميادان كەيىنگى ەۋروپاعا العاشقى ساپارىنا ەرەكشە ءمان بەرەتىنىن اتاپ ءوتتى. كەزدەسۋدە ەكىجاقتى ىنتىماقتاستىقتىڭ ساياسي، ساۋدا- ەكونوميكالىق جانە گۋمانيتارلىق سالالارداعى ىنتىماقتاستىق ماسەلەلەرىن تالقىلادى. سونىمەن قاتار حالىقارالىق كۇن تارتىبىندەگى وزەكتى پروبلەمالار جونىندە پىكىر الماستى.

- ەلدەرىمىز اراسىنداعى ءتۇرلى سالاداعى ءوزارا ىقپالداستىق كەڭەيىپ كەلە جاتىر. بۇعان ءبىزدىڭ ەلىمىزگە ءۇش رەت كەلگەن ءسىزدىڭ قوسقان ۇلەسىڭىز زور، - دەدى قاسىم- جومارت توقايەۆ.


پرەزيدەنت قازاقستاندا كەيىنگى جىلدارى جۇرگىزىلىپ جاتقان ساياسي رەفورمالارعا ارنايى توقتالدى. بەلگيا كورولى ەلىمىزدە جۇزەگە اسىپ جاتقان ساياسي رەفورمالار مەن ەكونوميكالىق جانە گۋمانيتارلىق سالاداعى جۇمىستار تۋرالى مالىمەتتەردى قىزىعۋشىلىقپەن قابىلدادى. مەملەكەت باسشىسى قازاقستان مەن بەلگيا اراسىنداعى ىنتىماقتاستىقتى ودان ءارى دامىتاتىن پەرسپەكتيۆالى باعىتتاردى اتاپ ءوتتى. سونداي- اق كەلەسى جىلدىڭ قىركۇيەك ايىندا ەلىمىزدە الەمدىك جانە ءداستۇرلى دىندەر كوشباسشىلارىنىڭ VII سەزى وتەتىنىن ايتتى. سول ماڭىزدى ءىس- شاراعا كورول فيليپپ تە قاتىسادى دەپ ۇمىتتەنەتىنىن جەتكىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات