22:11, 25 - قاراشا 2021 | GMT +6
مەملەكەت باسشىسى شاحتادا بولعان اپاتقا بايلانىستى رەسەي پرەزيدەنتىنە كوڭىل ايتتى
نۇر-سۇلتان. قازاقپارات - مەملەكەت باسشىسى كەمەروۆو وبلىسىنداعى شاحتادا بولعان اپاتقا بايلانىستى رەسەي پرەزيدەنتىنە كوڭىل ايتتى، دەپ حابارلايدى قازاقپارات.
قازاقستان پرەزيدەنتى قاسىم-جومارت توقايەۆ كەمەروۆو وبلىسىنداعى «ليستۆياجنايا» شاحتاسىندا بولعان اپات سالدارىنان كەنشىلەردىڭ قازا تابۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى.
«ورنى تولماس قايعىعا ورتاقتاسا وتىرىپ، قازا بولعان كەنشىلەردىڭ جاقىندارى مەن تۋىستارىنا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەلىنگەن جەدەلحاتتا.