دارىگەر قىستا قانشا سۋ ءىشۋ كەرەكتىگىن ايتتى
بۇل تۋرالى ر ي ا نوۆوستي جازدى.
«سۋىق مەزگىلدە تەردەن بولىنەتىن سۇيىقتىق مولشەرى ازايادى دا اعزا بۇرىنعىداي كوپ مولشەردە سۋ قاجەت ەتپەيدى. ءبىراق اۋا تەمپەراتۋراسىنا بايلانىستى سۋ ءىشۋ رەجيمىن ادەيى وزگەرتۋدىڭ قاجەتى جوق»، - دەيدى گينزبۋرگ.
ونىڭ ايتۋىنشا، بۇل ماسەلەدە دەنساۋلىعىڭىزعا نازار اۋدارىپ، سۋ قۇيىلعان ىدىستى ءارقاشان وزىڭىزبەن بىرگە الىپ ءجۇرۋىڭىز كەرەك.
«ادام سۋدى قاجەتتىلىگىنە قاراي ىشەدى. ءبىراق، سۋدىڭ قاجەت ەكەنىن ءجيى ەستە ساقتاۋعا تىرىسۋ كەرەك. سۋ ءارقاشان كوز الدىڭىزدا تۇرسىن. تەك، جۇرەك جانە بۇيرەك اۋرۋلارى بار ادامدار عانا تۇتىناتىن سۇيىقتىق مولشەرىن دارىگەردىڭ ۇسىنىسى بويىنشا ماقساتتى تۇردە ازايتۋى قاجەت»، - دەيدى مامان.
گينزبۋرگتىڭ ايتۋىنشا، شولدەگەندە قاراپايىم سۋ ىشكەن دۇرىس. باسقا قولايلى سۋسىندار كوك شاي جانە قانتسىز جيدەك سۋسىندارى. مينەرالدى سۋ اعزاداعى سۋ بالانسىن ساقتاۋ ءۇشىن جارامدى، ءبىراق بارلىعى ەمەس.
«مينەرالدى سۋعا سۋدىڭ كەيبىرى دەنى ساۋ ادامعا زيانىن تيگىزۋى مۇمكىن»، - دەپ ەسكەرتتى دارىگەر.
«شول قاندىرۋ ءۇشىن ءسۇتتى نەمەسە قانتتى سۋسىنداردى پايدالانۋدىڭ قاجەتى جوق، ويتكەنى مۇنداي ونىمدەردە قوسىمشا كالوريا بار، دەپ اتاپ ءوتتى گينزبۋرگ.
دارىگەردىڭ ايتۋىنشا قىستا سۋسىنداردىڭ تەمپەراتۋراسىنا ەرەكشە نازار اۋدارۋ قاجەت.
ايتا كەتەيىك، يسپانيالىق ديەتولوگ انجەلا مورەنو La Vanguardia باسىلىمىنا بەرگەن سۇحباتىندا ىشكى اعزالاردىڭ اينالاسىندا قاۋىپتى ۆيستسەرالدى مايدىڭ، سونىڭ ىشىندە باۋىرعا مايدىڭ جينالۋىنا ىقپال ەتەتىن تاعامداردى اتاعان بولاتىن.