قازاقستاندىق عالىمدار مەديتسينالىق قالدىقتاردى جويۋدىڭ بىرەگەي ءادىسىن ويلاپ تاپتى

نۇر-سۇلتان. قازاقپارات - ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى بيومەديتسينالىق قالدىقتاردى جويۋدىڭ يننوۆاتسيالىق ءادىسىن ويلاپ تاپتى، دەپ حابارلايدى ق ر ب ع م باسپا ءسوز قىزمەتى.

الماتىدا دارىگەرلەر تاپشى وتاندىق عىلىمي زەرتتەۋشىلەر ازىرلەگەن قالدىقتاردى قايتا وڭدەۋدىڭ پلازمالىق تەحنولوگياسى مەن پلازموحيميالىق رەاكتوردىڭ الەم بويىنشا بالاماسى جوق.

ازىرلەمەلەر ارنايى پاتەنتتەرمەن قورعالعان. قالدىقتاردى جويۋدىڭ پلازمالىق تەحنولوگياسىنىڭ بىرەگەيلىگى ونىڭ بيومەديتسينالىق قالدىقتاردى تولىق تەرميالىق زالالسىزداندىرۋعا مۇمكىندىك بەرەتىندىگىندە بولىپ وتىر.

بىرەگەي تەحنولوگيانىڭ ناتيجەسىندە وڭدەۋ تيىمدىلىگى ارتىپ، پروتسەسكە ەنەرگيا از شىعىندالادى.

قالدىقتاردى جويۋدىڭ پلازمالىق تەحنولوگياسى بيومەديتسينالىق قالدىقتاردى سۇرىپتاۋسىز قايتا وڭدەۋگە مۇمكىندىك بەرەدى.

ايتا كەتەيىك، COVID-19 ىندەتىنە بايلانىستى قازاقستاندا جانە جالپى الەم بويىنشا بيومەديتسينالىق قالدىقتاردىڭ كولەمى تۇراقتى نەگىزدە ارتىپ كەلەدى. مەديتسينالىق ماسكالار، قولعاپتار، باحيلالار، قورعانىس كومبينەزوندارىن جانە باسقا دا مەديتسينالىق قۇرالداردى پايدالانعاننان كەيىن قالعان قالدىقتاردى جويۋ ماسەلەسى بۇرىنعىدان دا وزەكتى بولىپ وتىر.

ينفەكسيالانعان جوعارى ۋىتتى مەديتسينالىق قالدىقتار ادام دەنساۋلىعى ءۇشىن دە، قورشاعان ورتا ءۇشىن دە قاۋىپتى. وسىعان بايلانىستى قازاقستاندىق عالىمدار مەديتسينالىق قالدىقتاردى قايتا وڭدەۋدىڭ ەڭ ءتيىمدى جانە ەكولوگيالىق ءادىسىن ويلاپ تاپتى.

«قالدىقتاردى جويۋدىڭ پلازمالىق ءادىسىنىڭ قولدانىستاعى تەحنولوگيالاردان باستى ايىرماشىلىعى - جوعارى تەمپەراتۋرالى پلازمالىق الاۋدىڭ پايدالانىلۋىندا. ول كەز-كەلگەن ورگانيكالىق جانە بەيورگانيكالىق قوسىلىستاردى ىدىراتادى. سونىمەن قاتار پلازماداعى كۇردەلى قوسىلىستاردىڭ جويىلۋى وتتەگىسىز ءتيىمدى جۇرەدى. مەديتسينالىق قالدىقتاردى جاعۋ ادىستەرىمەن سالىستىرعاندا پلازمالىق ىدىراتۋ تەحنولوگياسىنىڭ ءبىرقاتار ماڭىزدى ارتىقشىلىعى بار. اتاپ ايتساق، رەاكتور كولەمىنىڭ جوعارى ونىمدىلىكپەن 6-8 ەسە ازايۋى، قاجەتتى وندىرىستىك ءۇي-جايلاردىڭ اۋدانىن قىسقارتۋ، بولىنەتىن گازدار كولەمىنىڭ ءتارتىبىن تومەندەتۋ. پلازموحيميالىق رەاكتورداعى قالدىقتاردى وڭدەۋ 2000 ك دەيىنگى تەمپەراتۋرادا جۇرەدى. بۇل مينەرالدى قالدىقتىڭ ەرۋىن جاقسارتادى جانە ۋلى كومپونەنتتەردىڭ پايدا بولۋىنا جول بەرمەيدى»، - دەدى ءال-فارابي اتىنداعى قاز ۇ ۋ ەكسپەريمەنتتىك جانە تەوريالىق فيزيكا عىلىمي-زەرتتەۋ ينستيتۋتىنىڭ ءبولىم مەڭگەرۋشىسى الەكساندر ۋستيمەنكو.