20:45, 25 - قاراشا 2021 | GMT +6
ماڭعىستاۋداعى ورتاشا جالاقى قانشا - اكىم جاۋابى
نۇر-سۇلتان. قازاقپارات - ماڭعىستاۋ وبلىسىنىڭ اكىمى نۇرلان نوعايەۆ وڭىردەگى ورتاشا جالاقىنى اتادى، دەپ حابارلايدى قازاقپارات.
«ستاتيستيكالىق مالىمەتتەرگە سۇيەنسەك، وبلىستاعى ورتاشا جالاقى 350 مىڭ تەڭگەنى قۇرايدى. بۇل رەسپۋبليكالىق ورتاشا كورسەتكىشتەن جوعارى. ءداستۇرلى تۇردە مۇناي-گاز سالاسى باسقا سالالاردان وزگەشە جالاقى الادى. سوندىقتان دا بىزدە وسىنداي كورسەتكىشتەر بار»، - دەدى ن. نوعايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، وبلىس اكىمى ءوز جالاقىسىنا قاتىستى ساۋالعا دا جاۋاپ بەرگەن بولاتىن.
«مەن دە وزگە ارىپتەستەرىم سەكىلدى ارنايى بەكىتىلگەن تاريفتىك كورسەتكىشتەگى جالاقىنى الامىن»، - دەدى ن. نوعايەۆ.