قىتايدا اتاقتى ادامدارعا الەۋمەتتىك جەلىدە ءوز بايلىعىمەن ماقتانۋعا تىيىم سالىندى

نۇر-سۇلتان. قازاقپارات - قىتاي بيلىگى اتاقتى ادامداردىڭ نەنى جانە قالاي جارنامالايتىنىن باقىلايتىن بولدى.

قىتاي ينتەرنەتتە تانىمال تۇلعالار تاراتقان اقپاراتتى قاداعالاۋدى كۇشەيتەدى. سونداي-اق ولار وزدەرىنىڭ فان-كلۋبتارى ينتەرنەتتە تانىمال ادامدار تۋرالى نە جازاتىنىن باقىلايتىن بولادى. بۇل تۋرالى bbc سايتى حابارلادى.

قىتايدىڭ كيبەركەڭىستىك باسقارماسى بۇل شارالار وڭ جانە دۇرىس ينتەرنەت ورتاسىن قۇرۋعا باعىتتالعانىن ايتتى. رەتتەۋشىنىڭ ايتۋىنشا، جۇلدىزدار تۋرالى وسەك تاراتۋ جانە ولارعا شامادان تىس كوڭىل ءبولۋ قىتاي قوعامىنىڭ ءداستۇرلى قۇندىلىقتارىنا نۇقسان كەلتىرەدى.

ۆەدومستۆو قىزمەتكەرلەرى قوعام پىكىرىنە ىقپال ەتەتىن ەڭ تانىمال تۇلعالاردىڭ جەكە پاراقشالارىن عانا ەمەس، سونىمەن قاتار بۇل جۇلدىزدار تۋرالى اقپارات جاريالانعان سايتتاردى، سونىڭ ىشىندە ولاردىڭ قاتىسۋىمەن جارنامالاردى دا قاداعالايتىن بولادى.

رەتتەۋشىنىڭ ايتۋىنشا، بارلىق جارناما ناقتى سايتتارعا باعىتتالۋى كەرەك، ال فان- كلۋبتاردى بەلسەندى جانكۇيەرلەر عانا ەمەس، ۋاكىلەتتى اگەنتتەر باسقارۋى كەرەك.

اگەنتتىك قىتاي قوعامىنا جات قۇندىلىقتاردى ناسيحاتتايتىن اتاقتى ادامداردىڭ «تەرىس» ءتىزىمىن قۇرۋدى جانە تولىقتىرۋدى جوسپارلاپ وتىر، مىسالى، بايلىق پەن جانكۇيەرلەردى اتاقتى ادامدار جارنامالايتىن زاتتاردى ساتىپ الۋعا شاقىرادى.

اكتەرلەرگە، بلوگەرلەرگە، انشىلەرگە جانە باسقا دا تانىمال تۇلعالارعا «مورالدىق قاعيدالاردى» ۇستانۋ بۇيىرىلدى، ايتپەسە ولاردى تەلەديداردان دا، ينتەرنەتتە دە كورسەتۋگە تىيىم سالىنادى.

سەيسەنبىدە قىتاي ونەرپازدارى قاۋىمداستىعى «ادەپسىز مىنەز- قۇلىق» ءۇشىن تىكەلەي ەفيرگە تىيىم سالىنعان 88 ادامنىڭ ءتىزىمىن جاريالادى.

قىتاي بيلىگى بلوگەرلەر شامادان تىس تۇتىنۋ مادەنيەتىن ناسيحاتتاپ، ءداستۇرلى قۇندىلىقتاردى جويادى دەپ مالىمدەيدى.

بۇل شارالار قىتايدىڭ بيلىك «حاوتيكالىق فانات مادەنيەتى» دەپ اتايتىن رەتتەۋ ساياساتىنىڭ جالعاسى بولىپ تابىلادى. سوڭعى جىلدارى بۇل مادەنيەت قىتايدا ۇلكەن سەرپىلىس بولدى...

Kursiv.kz