ەلوردا اۋەجايى قالىڭ قاردان قالاي تازارتىلىپ جاتىر

نۇر-سۇلتان. قازاقپارات - ەلوردا اۋەجايىنداعى جاعداي قانداي؟ رەيستەردىڭ نەشەۋى كەشىگىپ، نەشەۋى ورىندالدى؟

نازاربايەۆ حالىقارالىق اۋەجايى باسقارما ءتوراعاسىنىڭ ءوندىرىس جونىندەگى ورىنباسارى ەرعازى جولداسوۆ ب ا ق وكىلدەرىنە وسى تۋرالى مالىمەت بەردى، دەپ حابارلايدى قازاقپارات ءتىلشىسى.

«تاۋلىك ىشىندە ءبىر ايلىق نورمادان كوپ قار ءتۇستى. تۇنگى ساعات 2.00 دەن تاڭعى 09.00 گە دەيىن جولاقتى جاۋىپ، پەرروندى تازارتۋعا تۋرا كەلدى. سالدارىنان 10 عا جۋىق رەيس كەشىكتىرىلدى. قوسالقى رەيستەر ءنوۆوسىبىر، قاراعاندى جانە الماتى اۋەجايلارىنا جىبەرىلدى. جۇك رەيستەرى نوۆوسىبىرگە، جولاۋشى رەيستەرى قاراعاندى مەن الماتىعا جونەلتىلدى. تاڭەرتەڭ شامامەن 7 رەيستى ىسكە قوستىق. ءتورت رەيستىڭ كەلۋىن كۇتىپ وتىرمىز. ءقازىر پەرروندا رەيستەرگە قىزمەت كورسەتىلىپ جاتىر»، - دەدى ەرعازى جولداسوۆ.

ونىڭ ايتۋىنشا، اۋا- رايىنا بايلانىستى ۇشۋ- قونۋ جولاعىن تازارتۋ قيىنداعان. سوعان قاراماستان، ءار رەيس مۇقيات پىسىقتالادى. ءاربىر رەيستى مۇلتىكسىز دايىنداۋعا كەم دەگەندە 1,5 ساعات كەتىپ جاتىر.

«ۇشۋ- قوناق جولاقتارىنا مۇز قاتقان. ءتۇنى بويى ءبىز قاردان تازارتتىق. جولاۋشىلاردىڭ قاۋىپسىزدىگى ءۇشىن ساعات 14.00-دەن 16.00-گە دەيىن تاعى دا تازارتۋ جۇمىستارىن جۇگىزەمىز. وسى ارالىقتا پەررون ەكى ساعاتقا جابىق بولادى. بۇل رەيستەردىڭ قاۋىپسىزدىگى ءۇشىن قاجەت. قولدان كەلگەننىن ءبارىن جاساپ جاتىرمىز»، - دەدى اۋەجاي وكىلى.

اۆتور: ەسىمجان ناقتىباي