+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاننىڭ باس ءمۇفتيى «قارا جۇما» ءسوزىن «جومارت جۇما» دەپ وزگەرتۋگە ۇندەدى

25 قاراشا 17:22
:ءبولىسۋ
قازاقستاننىڭ باس ءمۇفتيى «قارا جۇما» ءسوزىن «جومارت جۇما» دەپ وزگەرتۋگە ۇندەدى

نۇر-سۇلتان. قازاقپارات - قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ەلىمىزدەگى ساۋدا ورتالىقتارىنىڭ يەلەرى مەن بارشا كاسىپكەر ازاماتتاردى كوپشىلىك ورىندارىندا جازىلعان «قارا جۇما» ءسوزىن «جومارت جۇما» دەپ وزگەرتۋگە شاقىردى، دەپ حابارلايدى قازاقپارات ءتىلشىسى.

«كەيىنگى جىلدارى جۇرتتى جاپپاي ساۋداعا تارتۋدىڭ ءادىسى رەتىندە قولدانىلىپ جۇرگەن «قارا جۇما» ءسوزى قوعامدا تالقىعا تۇسۋدە. ءدىنىمىز بەن داستۇرىمىزدە بار «جۇما» ءسوزى قاسيەتتى، قاستەرلى ۇعىمدى بىلدىرەدى. مەن وسى رەتتە ەلىمىزدەگى ساۋدا ورتالىقتارىنىڭ يەلەرى مەن بارشا كاسىپكەر ازاماتتاردى «قارا جۇما» ءسوزىن «جومارت جۇما» دەپ وزگەرتۋگە شاقىرامىن»، - دەدى باس ءمۇفتي ۇندەۋىندە.

قازاقستان مۇسىلماندارى ءدىني باسقارماسىنىڭ ءتوراعاسى «جومارت جۇما» - جۇرەككە جىلى تيەتىن، حالقىمىزدىڭ ۇعىمىنا دا ساي كەلەتىن ءسوز ەكەندىگىن باسا ايتادى.

«مۇسىلمان قاۋىمى ءۇشىن جۇما قاسيەتتى كۇن بولعاندىقتان، «قارا جۇمانى» «جومارت جۇما» دەپ وزگەرتسەك، بۇل - يسلام ءدىنىن ۇستاناتىن حالقىمىزعا كورسەتىلگەن قۇرمەت بولماق. وسىلايشا، كاسىپكەر ازاماتتارىمىز ىزگى نيەتىنىڭ ناتيجەسىندە «جومارت جۇما» اكسياسى اياسىندا قانشاما جاننىڭ العىسىنا بولەنەر ەدى»، - دەدى ناۋرىزباي قاجى تاعان ۇلى.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات