رەسەيدە جاسوسپىرىمدەرگە ارنالعان كوروناۆيرۋس ۆاكسيناسى تىركەلدى
رەسەي فەدەراتسياسى 12-17 جاستاعى جاسوسپىرىمدەرگە ارنالعان كوروناۆيرۋس ينفەكسياسىنا قارسى ۆاكسينانى رەسمي تۇردە تىركەدى. ن. گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعى (ە م ۇ ز و) جاسوسپىرىمدەرگە COVID-19-عا قارسى ۆاكسيناسىن قولدانۋ قۇقىعىن الدى.
بۇل تۋرالى اتالمىش ورتالىق باسشىسىنىڭ ورىنباسارى دەنيس لوگۋنوۆ ءمالىم ەتتى. قازان ايىنىڭ ورتاسىندا ە م ۇ ز و ديرەكتورى الەكساندر گينسبۋرگ كوروناۆيرۋسقا قارسى ۆاكسينا «سپۋتنيك م» دەپ اتالاتىنىن حابارلاعان بولاتىن.
جاسوسپىرىمدەرگە ەكپە ەرىكتى نەگىزدە جانە اتا-اناسىنىڭ نەمەسە زاڭدى وكىلدەرىنىڭ جازباشا كەلىسىمىمەن عانا جاسالاتىن بولادى.
ۇلى بريتانيا عالىمدارى كوروناۆيرۋستىڭ اۋىر شتامىنىڭ قاۋپى بار ەكەنىن مالىمدەدى. ولار B.1.1.529 شتامىنىڭ 32 ىقتيمال قاۋىپتى مۋتاتسياسىن انىقتادى. بۇل وزگەرىستەر بەلگىلى SARS- CoV-2 نۇسقالارىنا قاراعاندا ۆاكسينالارعا توزىمدىلىگىن ارتتىرا تۇسەدى.
سونىمەن قاتار مۋتاتسيا پاتوگەندى انتيدەنەلەرمەن انىقتاۋدى قيىنداتادى. ازىرگە بۇل شتاممەن ينفەكسيانىڭ 10 جاعدايى انىقتالدى. ۇشەۋى بوستۆاندا، التاۋى وڭتۇستىك افريكادا، تاعى بىرەۋى گونكونگتا تىركەلگەن. ساراپشىلار تولىق زەرتتەۋگە دەيىن جاڭا شتامنىڭ قانشالىقتى جۇقپالى بولاتىندىعى تۋرالى اقپارات ۇسىنعان جوق.