اقىلى جولدا تولەم جاساماعاندارعا قانشا ايىپپۇل سالىنادى

نۇر-سۇلتان. قازاقپارات - «قازاۆتوجول» كومپانياسى اقىلى ءتولدارعا قالاي تولەم جاساۋعا بولاتىنىن ءتۇسىندىردى، دەپ حابارلايدى قازاقپارات ءتىلشىسى.

بيىلدىڭ 23-قاراشاسىنان باستاپ 7 جاڭا رەسپۋبليكالىق جول ۋچاسكەلەرىندە جول ءجۇرۋ اقىسى الىنۋدا. بۇل كەلەسى ۋچاسكەلەر: نۇر-سۇلتان- پاۆلودار، شىمكەنت- وزبەكستان شەكاراسى (تاشكەنتكە)، شۋچينسك- كوكشەتاۋ، قاپشاعاي - تالدىقورعان، شىمكەنت - تاراز، تاراز - قاينار، شىمكەنت - قىزىلوردا.

«ەگەر ءسىز وسى اقىلى ۋچاسكەلەر ارقىلى ءوتىپ، جول ءجۇرۋ اقىسىن تولەمەگەن بولساڭىز، وندا سىزگە 7 كۇن ىشىندە تاريفكە سايكەس قارىزىڭىزدى وتەۋ مۇمكىندىگى بەرىلەدى. اقى تولەۋدىڭ 20-دان استام نۇسقاسى قاراستىرىلعان: QAJ mobile (موبيلدى قوسىمشا)، Kaspi.kz، Kiwi-اميان، Forte Bank جانە ت. ب.

ەستەرىڭىزگە سالا كەتەيىك، جول ءجۇرۋ اقىسىن تولەمەگەن جاعدايدا، 8-شى كۇنى ق ر ا ق ب ت ك-نىڭ 628-بابىنا سايكەس سىزگە ايىپپۇل سالىنادى. جەكە تۇلعالار ءۇشىن ول 5 ا ە ك، زاڭدى تۇلعالار ءۇشىن -10 ا ە ك-تى قۇرايدى. بارلىق اۆتوكولىك جۇرگىزۋشىلەرىنەن اكىمشىلىك قۇقىق بۇزۋشىلىقتى بولدىرماۋ ءۇشىن جولاقىسىن ۋاقتىلى تولەۋدى سۇرايمىز»، - دەلىنگەن كومپانيا مالىمەتىنە.

بۇدان بۇرىن حابارلانعانداي، «قازاۆتوجول» كومپانياسىنىڭ telegram -داعى جەلىسى ارقىلى جولدارداعى تولەم قۇنى مەن وزگە دە سۇراقتار بويىنشا جاۋاپ الۋعا بولادى.