15:14, 25 - قاراشا 2021 | GMT +6
بوكسشى ماحمۇد سابىرحانعا شىمكەنتتەن پاتەر بەرىلدى - فوتو
شىمكەنت. قازاقپارات - بۇگىن الەم چەمپيوناتىنىڭ كۇمىس جۇلدەگەرى ماحمۇد سابىرحانعا تۇرعىن ءۇي سەرتيفيكاتى تابىستالدى، دەپ حابارلايدى قازاقپارات ءتىلشىسى.
بىلعارى قولعاپ شەبەرىنە قالا اكىمدىگى مەن بوكس فەدەراتسياسى بىرلەسىپ «ستاندارت» تۇرعىن ءۇي كەشەنىنەن 1 بولمەلى پاتەر بەرىلدى. كەزدەسۋگە شىمكەنت قالاسى بوكس فەدەراتسياسىنىڭ ءتوراعاسى ا. تۇرىسبەكوۆ قاتىستى. شىمكەنت قالاسىنىڭ اكىمى مۇرات ايتەنوۆ جاس بوكسشىنىڭ الەمدىك ارەنادا الداعى ۋاقىتتا دا ۇلكەن جەڭىستەرگە جەتەتىنە سەنىمدى ەكەنىن ايتتى.
ەسكە سالساق، بەلگرادتا وتكەن الەم چەمپيوناتىندا بوكستان قازاقستان ەرلەر قۇراماسى جالپى كوماندالىق ەسەپتە ەكىنشى ورىنعا تۇراقتادى. تەمىرتاس ءجۇسىپوۆ پەن ساكەن بيبوسىنوۆ الەم چەمپيوندارى اتانسا، ماحمۇد سابىرحان مەن سەرىك تەمىرجانوۆ كۇمىس جۇلدەگە، ابىلايحان ءجۇسىپوۆ قولا جۇلدەگە يە بولدى.
اۆتور: قايرات زاينيشەۆ