گەننادي گولوۆكين الداعى جوسپارلارىمەن ءبولىستى
- ارينە، قازىر ءسىز ريوتا مۋراتامەن بولاتىن جەكپە- جەككە دايىندىق ۇستىندەسىز. دەگەنمەن وسى ايقاستان كەيىن قانداي دا ءبىر جوسپارلارىڭىز بار ما؟
- مەنىڭ قالاۋىم - وتانىما ورالىپ، جاڭا جىلدى جاقىندارىممەن قارسى الۋ. مۋراتامەن بولاتىن جەكپە- جەكتىڭ ماڭىزى سونشالىق، قازىر ودان باسقا ەشتەڭە ويلاي المايمىن.
- كەلەسى جىلى ءسىز 40 جاسقا كەلەسىز. زەينەتكە شىققاننان كەيىن نەمەن اينالىساتىنىڭىز تۋرالى ويلاندىڭىز با؟
- مەن ءالى كۇنگە دەيىن كاسىبي بوكسشىمىن، سول سەبەپتى ازىرگە بۇل سۇراققا جاۋاپ بەرۋگە دايىن ەمەسپىن. مەن ءۇشىن بۇل جاڭا باستاما بولادى دەپ ويلايمىن. «40 تا ءومىر ەندى باستالادى» دەيدى عوي. سول سياقتى مەنىڭ جۇمىسىم كوپ بولادى. بارىنەن بۇرىن، وتباسىممەن ۋاقىت وتكىزەمىن. وتاعاسى رەتىندە مەنىڭ الاڭدايتىن كۇندەرىم ءالى الدا.
اۆتور: ءبيبىحان سەرىكوۆا