+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

جۇكتى ايەلدەرگە ۆاكسينا سالۋ قانشالىقتى ماڭىزدى - دارىگەر جاۋابى

25 قاراشا 14:38
:ءبولىسۋ
جۇكتى ايەلدەرگە ۆاكسينا سالۋ قانشالىقتى ماڭىزدى - دارىگەر جاۋابى

الماتى. قازاقپارات - الماتى قالالىق №36 ەمحاناسىنىڭ اكۋشەر- گينەكولوگى قارلىعاش نەسىپبايەۆا قازاقپارات تىلشىسىنە جۇكتى ايەلدەرگە كوروناۆيرۋسقا قارسى ەكپە الۋ قانشالىقتى ماڭىزدى ەكەنى تۋرالى ايتىپ بەردى.

- جۇكتى ايەلدەرگە كورناۆيرۋسقا قارسى ۆاكسينا سالۋ قاۋىپسىز بە؟

- سوڭعى ەكى جىلدا ءبىز COVID-19 جۇقتىرعاندار اراسىندا جۇكتى ايەلدەردىڭ كوپ ەكەنىن كوردىك. ۆيرۋستىڭ العاشقى «ۋحان» جانە «بريتان» شتاممدارىن جۇكتى ايەلدەر دە جۇقتىردى. ولاردىڭ اراسىندا ءولىم، بالانىڭ ءولى تۋۋ جانە مەرزىمىنەن بۇرىن بوسانۋ جاعدايلارى ورىن الدى. جۇكتى ايەلدەردە ينفەكسيا وتە اۋىر وتەدى. بۇل جۇكتى ايەلدەر اراسىنداعى ءولىمنىڭ ارتۋىنا، اۋىر اسقىنۋلارعا اكەلەدى. جۇكتىلىك كەزىندە قاننىڭ ۇيۋىنىڭ جوعارىلاۋى، يممۋندىق قورعانىستىڭ تومەندەۋى جانە قوزعالىس قيىندىقتارى سياقتى وزگەرىستەر بولادى. بۇگىنگى كۇنى الەمنىڭ كوپتەگەن ەلدەرى جۇكتىلىكتىڭ 12-16 اپتاسىنان كەيىن ۆاكسيناتسيالايدى.

- ادام كوروناۆيرۋسپەن قانشا كۇن اۋرادى؟

- اۋرۋ جەڭىل وتسە 14 كۇنگە دەيىن، اسقىنعان جاعدايدا 8 اپتاعا دەيىن سوزىلۋى مۇمكىن. ەگەر ادام «ۋحان» تۇرىمەن اۋىرعان بولسا، اعزادا انتيدەنەلەر قالادى، ولار ءارتۇرلى دەرەكتەر بويىنشا 6-ايدان 9 ايعا دەيىن ساقتالادى. بۇل ارنايى اقۋىزدار، ولاردىڭ نەگىزگى مىندەتى ۆيرۋستىق ينفەكسيانى بەيتاراپتاندىرۋ. ولاردىڭ ەكى ءتۇرى بار: IgM - اۋرۋدىڭ اۋىر ساتىسىندا بولعانداردا كەزدەسەدى، IgG - اۋىرعانداردا قالادى.


- ادامدار نەگە كوروناۆيرۋستى ەكىنشى رەت جۇقتىرىپ الىپ جاتىر؟

- COVID-19-عا انتيدەنەلەر ماڭگىلىك ەمەس، ولار جويىلعاننان كەيىن ادام قايتادان اۋىرىپ قالۋى مۇمكىن. قايتا جۇقتىرۋعا جاڭا شتاممداردىڭ پايدا بولۋى، ساۋىققانداردىڭ ءوز قاۋىپسىزدىگىنە نەمقۇراي قاراۋى، يممۋندىق جۇيەنىڭ السىزدىگى مەن جازىلعانان كەيىن IgG انتيدەنەلەرىنىڭ جەتكىلىكسىز مولشەرى ىقپال ەتەدى.

- ج ر ۆ ي مەن كوروناۆيرۋستى قالاي اجىراتۋعا بولادى؟

- كوروناۆيرۋس پەن ءجىتى رەسپيراتورلى ۆيرۋستىق ينفەكسيانىڭ نەگىزگى ايىرماشىلىعى - ينكۋباتسيالىق كەزەڭ. تىنىس الۋ جولدارىنىڭ ۆيرۋستارى مەن تۇماۋ 1-4 كۇندە پايدا بولادى. ورتاشا العاندا، ولاردىڭ ينكۋباتسيالىق كەزەڭى 2-3 كۇن. كوروناۆيرۋستىڭ اعزادا كوبەيۋى ۇزاققا سوزىلادى. ونىڭ ينكۋباتسيالىق كەزەڭى 14 كۇنگە دەيىن بولۋى مۇمكىن. ءجىتى رەسپيراتورلى ۆيرۋستىق ينفەكسيا كەزىندە ادام بىرنەشە كۇننەن كەيىن ءوزىن جاقسى سەزىنە باستايدى، ال كوروناۆيرۋستا كەرىسىنشە، كۇن وتكەن سايىن جاعداي ناشارلاي بەرەدى.

- دەنە قىزۋى جوعارى كوتەرىلگەندە، ءوزىن-ءوزى ەمدەۋ كومەكتەسە مە؟

- ەشبىر جاعدايدا ءوزىن-ءوزى ەمدەۋمەن اينالىسپاۋ كەرەك، ويتكەنى ءدارى- دارمەكتەر اللەرگيالىق رەاكسيا تۋدىرۋى مۇمكىن. ەگەر تەمپەراتۋرا كوتەرىلسە، ونى تۇسىرەتىن پەرپارات قولدانىپ، جەدەل جاردەم بريگاداسىن شاقىرۋ كەرەك. ج ر ۆ ي كەزىندە السىزدىك ءاردايىم بايقالمايدى، ادەتتە قۇرعاق جوتەلمەن، تەمپەراتۋرا بولادى. ال كوروناۆيرۋستا رينيت بەلگىلەرى سيرەك كەزدەسەدى. COVID-19 كەزىندە باس اۋرۋى بايقالادى.

- رەۆاكسيناتسيادان وتكەن دۇرىس پا؟

- ءيا، جاڭا شتاممداردىڭ انىقتالۋىنا بايلانىستى مىندەتتى تۇردە قايتا ۆاكسيناتسيالاۋ قاجەت.

- سۇحباتىڭىزعا راحمەت!

اۆتور: الما مۇقانوۆا



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات