+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاندا وتباسىلىق جانجالقويلارعا قانداي جازا قاراستىرىلعان

25 قاراشا 14:25
:ءبولىسۋ
قازاقستاندا وتباسىلىق جانجالقويلارعا قانداي جازا قاراستىرىلعان

نۇر-سۇلتان. قازاقپارات – ق ر ىشكى ىستەر ءمينيسترىنىڭ ورىنباسارى مۇرات بايمۇقاشەۆ ەلىمىزدە وتباسىلىق جانجال شىعارىپ، زورلىق كورسەتكەن ادامدارعا قانداي جازا تۇرلەرى قاراستىرىلعانىن ايتتى، دەپ حابارلايدى قازاقپارات ءتىلشىسى.

«ءبىز ايەلدەر مەن بالالاردى قورعاۋ ءۇشىن جۇيەلى شارالار قابىلداپ جاتىرمىز. 2009 -جىلى قابىلدانعان زاڭعا قولدانۋ پراكتيكاسى مەن اعىمداعى جاعدايدى ەسكەرە وتىرىپ، تۇزەتۋلەر مەن وزگەرىستەر ەنگىزىلدى. ياعني، زاڭ ۇنەمى جاڭارتىلىپ وتىرادى. پوليتسيا قىزمەتكەرلەرىنىڭ وكىلەتتىلىگى دە كەڭەيتىلدى. وسى تۇستا وتباسىلىق قۇقىق بۇزۋشىلىققا جول بەرگەن تۇلعالارعا قاتىستى جاۋاپكەرشىلىك كۇشەيتىلدى»، - دەدى مۇرات بايمۇقاشەۆ ەلوردادا ءوتىپ جاتقان «قازاقستانداعى وتباسى جانە وتباسىلىق ساياسات ينستيتۋتى: ماسەلەلەر، ۇردىستەر مەن كەلەشەگى» اتتى حالىقارالىق كونفەرەنسيادا.

ونىڭ ايتۋىنشا، ەندىگى ۋاقىتتا پوليتسيا قىزمەتكەرى تۇرمىستىق زورلىق- زومبىلىق كورسەتىپ، وتباسىلىق جانجال شىعارعان ادامدى جابىرلەنۋشىگە جاقىنداتپاۋعا، ءتىپتى تەلەفونمەن سويلەسۋگە دە تىيىم سالۋعا قۇقىلى.

«بۇل شەكتەۋدىڭ قولدانىلۋ مەرزىمى 1 اي. ول ارنايى قورعاۋ نۇسقاماسى رەتىندە رەسىمدەلەدى. ەگەر تىيىم مەن شەكتەۋدى بۇزعان جاعدايدا 5 تاۋلىككە دەيىن قاماۋعا الۋ قاراستىرىلعان. سونىمەن قاتار تۇرمىستىق جانجال بارىسىندا ۇرىپ- سوعۋ نەمەسە جەڭىل دەنە جاراقاتى بولعانى انىقتالسا، وندا ايىپتى 10 نەمەسە 15 تاۋلىككە دەيىن اكىمشىلىك قاماۋعا الىنادى»، - دەيدى ول.

سونداي-اق، مينيستر ورىنباسارى ەگەر ءجابىر كورۋشى نەگىزگى ارىزدان بولەك، ءوزىن قورعاۋ ماقساتىندا قوسىمشا ءوتىنىش، تالاپ بىلدىرسە، ونداي جاعدايدا ايىپتىعا جازا قاتاڭداي تۇسەتىنىن ايتتى.

«اتاپ ايتقاندا، ايىپتىعا قارۋدى ساقتاۋ مەن الىپ جۇرۋگە نەمەسە ۇيدە الكوگول ىشۋگە تىيىم سالىنۋى مۇمكىن. ەگەر ايىپتى بولەك ۇيدە تۇرسا، وندا سوت ازاماتتى 10 كۇن ىشىندە بوساتۋعا قۇقىلى. بۇل تىيىمداردىڭ قولدانىلۋ مەرزىمى ءۇش ايدان ءبىر جىلعا دەيىن بولۋى مۇمكىن. جانە ءتارتىپ بۇزۋشىنىڭ مىنەز- قۇلقى قاداعالاۋعا الىنىپ، ول ۋچاسكەلىك پوليتسيا ينسپەكتورىنىڭ پروفيلاكتيكالىق ەسەبىنە الىنىپ، باقىلاۋىنا قويىلادى»، - دەپ تۇيىندەدى م. بايمۇقاشەۆ.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات